Fyrsta tap Slóvaka kom á Spáni

Spánn skaust á topp C-riðils í undankeppni Evrópumótsins sem fram fer í Frakklandi sumarið 2ö16 með 2-0 sigri á Slóvakíu á heimavelli í kvöld.

Jordi Alba kom heimamönnum yfir strax á fimmtu mínútu með laglegu skallamarki, en rétt á undan höfðu Slóvakar klúðrar ágætis færi.

Andres Iniesta skoraði síðan annað mark Spánverja á 30. mínútu af vítapunktinum eftir að brotið hafi verið á David Silva. Lokatölur 2-0.

Spánn er því á toppi C-riðils með átján stig, en Slóvakarnir eru í öðru sætinu einnig með átján. Þetta var þeirra fyrsta tap í undankeppninni. Úkraínumenn eru í þriðja sætinu með fimmtán stig.

Spánn - Slóvakía 2-0

1-0 Jordia Alba (5.), 2-0 Andres Iniesta - víti (30.).