Umfjöllun, viðtöl, myndir og einkunnir: Leiknir - Fjölnir 2-3 | Fjölnir stal stigunum þremur Stefán Árni Pálsson á Leiknisvelli skrifar 13. september 2015 00:01 Það var hart barist á Leiknisvelli í dag. Vísir/Pjetur Fjölnir vann ótrúlegan sigur á Leikni í 19. umferð Pepsi-deildar karla í kvöld. Leikurinn fór 3-2 fyrir gestina og skoraði Kennie Chopart sigurmarkið á lokasekúndum leiksins.Pjetur Sigurðsson, ljósmyndari Vísis og Fréttablaðsins, mætti á Fjölnisvöll í kvöld og smellti af myndum sem sjá má hér fyrir ofan. Það var greinilegt frá fyrstu mínútu að allt var undir hjá Leiknismönnum sem börðust eins og ljón. Það voru aftur á móti Fjölnismenn sem gerðu fyrsta mark leiksins þegar Guðmundur Karl Guðmundsson þrumaði boltanum í netið rétt fyrir utan vítateig eftir um korters leik. Leiknismenn svöruðu markinu fullkomlega og gáfust alls ekki upp. Það var drengur á vellinum sem heitir Hilmar Árni Halldórsson og hann ætlaði sér ekki að tapa leiknum. Rétt eftir mark Fjölnis skaut hann boltanum í þverslána, stuttu eftir það jafnaði hann metin fyrir Leikni og nánast í næstu sókn eftir markið lagði hann upp fallegt mark hjá Kristjáni Páli Jónssyni. Allt í einu var staðan 2-1 fyrir Leikni. Lítið gerðist út fyrri hálfleikinn og var staðan 2-1 eftir 45 mínútur. Síðari hálfleikurinn hófst rólega og lítið gerðist fyrstu mínútur hálfleiksins. Leiknismenn ætluðu heldur betur að halda fengnum hlut og féllu alltof mikið til baka. Fjölnismenn unnu sig hægt og rólega í takt við leikinn og jöfnunarmarkið lág í loftinu. Guðmundur Karl Guðmundsson gerði sér lítið fyrir og jafnaði metin með fínu skoti á 83. mínútu leiksins. Allt leit út fyrir að leikurinn myndi fara jafnt en Kennie Chopart var á öðru máli og skoraði hann sigurmarkið á 94. mínútu leiksins og Leiknismenn að fá á sig enn eitt markið í uppbótartíma. Magnað alveg hreint og liðið fellur einfaldlega ef leikmenn Leiknis geta ekki haldið einbeitingu í 95 mínútur, svo einfalt er það. Niðurstaðan 3-2 sigur Fjölnis. Fjölnismenn fagna hér marki.Vísir/PjeturGuðmundur Karl: Loksins náðum við í þrjú stig „Það er bara glæsilegt að hafa landað þessum þremur stigum hér í dag,“ segir Guðmundur Karl Guðmundsson, eftir leikinn. „Það gerist heldur ekkert betra en að skorar sigurmarkið á lokamínútunni.“ Fjölnismenn skoruðu fyrsta mark leiksins en eftir það fengu þeir tvö mörk beint í andlitið. „Þeir komu bara sterkir til baka og við áttum í erfileikum með þá. Mér fannst við samt betri í seinni hálfleik og náðum að leysa þeirra leik vel.“ Guðmundur var ánægður með mörkin sín tvö í kvöld. „Mér líður alltaf vel á þessum velli, það er gaman að koma hingað og við mættum bara frábæru Leiknisliði.“ Hann segir að þessi þrjú stig hafi verið gríðarlega mikilvæg og loksins hafi liðið náð í þrjú stig. Davíð og Freyr, þjálfarar Leiknis.Vísir/PjeturDavíð: Þetta snýst um rangar ákvarðanatökur undir lokin „Við erum bara svekktir og áttum fullt af góðum köflum í þessum leik,“ segir Davíð Snorri Jónsson, annar þjálfari Leiknis, eftir leikinn. Leiknir fékk mark á sig í upphafi leiksins en komu vel til baka. „Við sýndum þá mjög góðan karakter og vorum að spila virkilega vel. Sá kafli skilaði okkur góðri forystu.“ Í síðari hálfleiknum féll Leiknisliðið of mikið til baka og ætluðu menn að halda fengnum hlut. „Okkur vantaði þá ákveðni sem var hjá liðinu í fyrri hálfleik og það gekk erfilega að halda boltanum innan liðsins. Það kemur oft fyrir að lið ætla sér að fara vernda einhverja forystu.“ Hann segir að liðið hafi þurft að vera meira yfirvegað. Sigurmark Fjölnis kom í uppbótartíma og það er ekki í fyrsta sinn í sumar sem Leiknir fær á sig mark undir blálokin. „Leikmenn okkar eru í nægilega góðu formi. Menn eru bara að taka of oft rangar ákvarðanir. Við erum samt ekki búnir að gefast upp og næsti leikur er bara gegn Fylki og þá ætlum við okkur sigur.“Ágúst í leiknum í kvöld.Vísir/PjeturÁgúst: Gott að sjá boltann í netinu undir lokin „Það var kominn tími til að við snérum þessum gengi við, það voru komin fjögur jafntefli í röð hjá okkur,“ segir Ágúst Gylfason, þjálfari Fjölnis, eftir leikinn í kvöld. „Við vorum búnir að fara vel yfir okkar leik fyrir leikinn í kvöld og það var mjög sætt að sjá boltann í netinu undir lokin.“ Hann segir að liðið hafi fengið á sig tvö klaufaleg mörk. „Við vorum undir í hálfleik og það var bara sanngjarnt. Við komum síðan ákveðir út í síðari hálfleikinn, sýndum þolinmæði og náðum að snúa töpuðum leik í sigur undir lokin.“ Ágúst segir að Leiknismenn hafi sýnt gríðarlega stórt hjarta í leiknum í kvöld. „Þeir gerðu allt til að ná í þrjú stig en við sýndum karakter undir lokin og ég er gríðarlega ánægður með mína menn. Þetta mun vissulega hjálpa okkur til að ná markmiðum okkar.“vísir/pjetur Pepsi Max-deild karla Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Sjá meira
Fjölnir vann ótrúlegan sigur á Leikni í 19. umferð Pepsi-deildar karla í kvöld. Leikurinn fór 3-2 fyrir gestina og skoraði Kennie Chopart sigurmarkið á lokasekúndum leiksins.Pjetur Sigurðsson, ljósmyndari Vísis og Fréttablaðsins, mætti á Fjölnisvöll í kvöld og smellti af myndum sem sjá má hér fyrir ofan. Það var greinilegt frá fyrstu mínútu að allt var undir hjá Leiknismönnum sem börðust eins og ljón. Það voru aftur á móti Fjölnismenn sem gerðu fyrsta mark leiksins þegar Guðmundur Karl Guðmundsson þrumaði boltanum í netið rétt fyrir utan vítateig eftir um korters leik. Leiknismenn svöruðu markinu fullkomlega og gáfust alls ekki upp. Það var drengur á vellinum sem heitir Hilmar Árni Halldórsson og hann ætlaði sér ekki að tapa leiknum. Rétt eftir mark Fjölnis skaut hann boltanum í þverslána, stuttu eftir það jafnaði hann metin fyrir Leikni og nánast í næstu sókn eftir markið lagði hann upp fallegt mark hjá Kristjáni Páli Jónssyni. Allt í einu var staðan 2-1 fyrir Leikni. Lítið gerðist út fyrri hálfleikinn og var staðan 2-1 eftir 45 mínútur. Síðari hálfleikurinn hófst rólega og lítið gerðist fyrstu mínútur hálfleiksins. Leiknismenn ætluðu heldur betur að halda fengnum hlut og féllu alltof mikið til baka. Fjölnismenn unnu sig hægt og rólega í takt við leikinn og jöfnunarmarkið lág í loftinu. Guðmundur Karl Guðmundsson gerði sér lítið fyrir og jafnaði metin með fínu skoti á 83. mínútu leiksins. Allt leit út fyrir að leikurinn myndi fara jafnt en Kennie Chopart var á öðru máli og skoraði hann sigurmarkið á 94. mínútu leiksins og Leiknismenn að fá á sig enn eitt markið í uppbótartíma. Magnað alveg hreint og liðið fellur einfaldlega ef leikmenn Leiknis geta ekki haldið einbeitingu í 95 mínútur, svo einfalt er það. Niðurstaðan 3-2 sigur Fjölnis. Fjölnismenn fagna hér marki.Vísir/PjeturGuðmundur Karl: Loksins náðum við í þrjú stig „Það er bara glæsilegt að hafa landað þessum þremur stigum hér í dag,“ segir Guðmundur Karl Guðmundsson, eftir leikinn. „Það gerist heldur ekkert betra en að skorar sigurmarkið á lokamínútunni.“ Fjölnismenn skoruðu fyrsta mark leiksins en eftir það fengu þeir tvö mörk beint í andlitið. „Þeir komu bara sterkir til baka og við áttum í erfileikum með þá. Mér fannst við samt betri í seinni hálfleik og náðum að leysa þeirra leik vel.“ Guðmundur var ánægður með mörkin sín tvö í kvöld. „Mér líður alltaf vel á þessum velli, það er gaman að koma hingað og við mættum bara frábæru Leiknisliði.“ Hann segir að þessi þrjú stig hafi verið gríðarlega mikilvæg og loksins hafi liðið náð í þrjú stig. Davíð og Freyr, þjálfarar Leiknis.Vísir/PjeturDavíð: Þetta snýst um rangar ákvarðanatökur undir lokin „Við erum bara svekktir og áttum fullt af góðum köflum í þessum leik,“ segir Davíð Snorri Jónsson, annar þjálfari Leiknis, eftir leikinn. Leiknir fékk mark á sig í upphafi leiksins en komu vel til baka. „Við sýndum þá mjög góðan karakter og vorum að spila virkilega vel. Sá kafli skilaði okkur góðri forystu.“ Í síðari hálfleiknum féll Leiknisliðið of mikið til baka og ætluðu menn að halda fengnum hlut. „Okkur vantaði þá ákveðni sem var hjá liðinu í fyrri hálfleik og það gekk erfilega að halda boltanum innan liðsins. Það kemur oft fyrir að lið ætla sér að fara vernda einhverja forystu.“ Hann segir að liðið hafi þurft að vera meira yfirvegað. Sigurmark Fjölnis kom í uppbótartíma og það er ekki í fyrsta sinn í sumar sem Leiknir fær á sig mark undir blálokin. „Leikmenn okkar eru í nægilega góðu formi. Menn eru bara að taka of oft rangar ákvarðanir. Við erum samt ekki búnir að gefast upp og næsti leikur er bara gegn Fylki og þá ætlum við okkur sigur.“Ágúst í leiknum í kvöld.Vísir/PjeturÁgúst: Gott að sjá boltann í netinu undir lokin „Það var kominn tími til að við snérum þessum gengi við, það voru komin fjögur jafntefli í röð hjá okkur,“ segir Ágúst Gylfason, þjálfari Fjölnis, eftir leikinn í kvöld. „Við vorum búnir að fara vel yfir okkar leik fyrir leikinn í kvöld og það var mjög sætt að sjá boltann í netinu undir lokin.“ Hann segir að liðið hafi fengið á sig tvö klaufaleg mörk. „Við vorum undir í hálfleik og það var bara sanngjarnt. Við komum síðan ákveðir út í síðari hálfleikinn, sýndum þolinmæði og náðum að snúa töpuðum leik í sigur undir lokin.“ Ágúst segir að Leiknismenn hafi sýnt gríðarlega stórt hjarta í leiknum í kvöld. „Þeir gerðu allt til að ná í þrjú stig en við sýndum karakter undir lokin og ég er gríðarlega ánægður með mína menn. Þetta mun vissulega hjálpa okkur til að ná markmiðum okkar.“vísir/pjetur
Pepsi Max-deild karla Mest lesið Besta fótboltakona heims lögð inn á sjúkrahús fimm dögum fyrir EM Fótbolti Sjáðu stórkostlegt mark Sveindísar í lokaleiknum fyrir EM Fótbolti Tönnin slegin úr henni og var svo bannað að koma aftur inn á völlinn Körfubolti Níu ár síðan að strákarnir okkar „slökktu á“ Steve McClaren í beinni á Sky Sports Fótbolti Hélt að Arnar væri að djóka í sér: „Maður var í smá sjokki“ Fótbolti Brentford hafnaði tilboði Manchester United Enski boltinn Umdeildur öryggisvörður fær stuðning frá Haaland Fótbolti Olivier Giroud verður liðsfélagi Hákonar Fótbolti Hetja Blika í kvöld lá í viku inn á spítala í janúar með blóðsýkingu Íslenski boltinn Færeyingar töpuðu eftir tvíframlengdan leik Handbolti Fleiri fréttir Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Höskuldur fékk tveggja leikja bann eftir ofsalega framkomu Furðar sig á fjarveru Lárusar Orra: „Finnst þetta skrítið“ John Andrews og Björn reknir Óskar láti gagnrýnisraddir úr Vesturbæ sem vind um eyru þjóta Fóru yfir lætin í Kópavogi: „Höskuldur tryllist strax frá byrjun“ Sjáðu mörkin úr Bestu: Valur rústaði KR og tvö rauð fóru á loft í Kópavogi Sjáðu slagsmálin eftir jöfnunarmark Blika Uppgjörið: Valur-KR 6-1 | Valsmenn rassskelltu KR-inga Uppgjörið: ÍBV-Afturelding 1-2 | Tvö mörk á tveimur mínútum tryggðu sögulegan sigur Uppgjörið: Breiðablik - Fram 1-1 | Dramatík í Kópavogi Aldrei séð föður sinn jafn glaðan og sáttan í einu og sama verkefninu Sjáðu mörkin úr Bestu þar sem Gylfi Þór fór mikinn og glæsimark var skorað „Gæðin í liðinu munu alltaf skora mörk“ Uppgjör: ÍA-Stjarnan 0-3 | Stjarnan upp í þriðja sætið eftir sigur á botnliðinu Uppgjör: KA-Víkingur 0-2 | Gylfi maðurinn á bak við sigur Víkinga Taplausir ÍR-ingar juku forskot sitt á toppnum Sjá meira