Eins árs bann fyrir ósiðlegt athæfi

Ótrúlegt atvik átti sér stað í neðrideildarleik á Spáni á dögunum.

Þá ruddist maður inn á völlinn í miðjum leik. Hljóp í átt að kvenkynsaðstoðardómara, tók út á sér getnaðarliminn og reyndi að sveifla honum í konuna.

Fljótlega kom í ljós að þarna var á ferð leikmaður annars liðs í deildinni. Málið kom því eðlilega inn á borð aganefndar spænska knattspyrnusambandsins.

Leikmaðurinn, sem ekki hefur verið nefndur, hefur verið dæmdur í eins árs bann fyrir þetta uppátæki sitt. Hann fékk einnig 100 þúsund króna sekt.