Alda Dís með útgáfutónleika í Hörpu

Á fimmtudaginn mun Alda Dís halda útgáfutónleika í Hörpunni og spila þar með þrettán manna bandi. Alda Dís bar sigur úr býtum í síðustu keppninni af Ísland Got Talent sem var á Stöð 2 í vor.

Fyrsta plata Öldu Dísar, Heim, kom út á föstudaginn og er til sölu í verslunum Hagkaups og Pennans Eymundssonar um land allt ásamt öðrum sérvöldum verslunum.

Alda hélt reyndar fyrstu útgáfutónleikana í Rifi í Snæfellsbæ á fimmtudaginn síðastliðinn og var mikil ánægja með þá tónleika en Alda Dís er að vestan.

Platan sjálf er unnin með StopWaitGo og fleirum. Alda á texta og lag í flestum ef ekki öllum lögunum ásamt því að vera með eitt tökulag Í Hjarta Mér eftir Bubba Morthens sem Egó gaf út á sínum tíma. Sá dúett, með Bubba fór í útvarpsspilun fyrir viku síðan og er spilað á öllum helstu útvarpsstöðvum landsins.

Hér má tryggja sér miða á útgáfutónleika hennar.