Sam Smith aflýsir fleiri tónleikum

Söngvarinn ástsæli Sam Smith hefur þurft að aflýsa tónleikum í Japan og á Filippseyjum, þar sem hann þarf að gangast undir skurðaðgerð á raddböndum. Fyrir skömmu þurfti hann að aflýsa tónleikaferð sinni um Ástralíu vegna blæðinga í raddböndum. Ástandið á söngvaranum var þó mun verra en talið var í fyrstu og er hann farinn frá Ástralíu til Bandaríkjanna þar sem hann mun hitta sérfræðing og í framhaldinu fara í aðgerð. Söngvarinn birti mynd af sér á Instagram-síðu sinni þar sem hann tjáði aðdáendum sínum að hann væri miður sín að þurfa að aflýsa tónleikunum og vonaðist til að fá hjálp frá læknum, þar sem hann var búinn að þegja í þrjá daga samkvæmt læknisráði.