Konan sem lenti í köfunarslysi í Silfru í gær er áfram mjög þungt haldin. Hún liggur nú á gjörgæsludeild Landspítalans við Hringbraut.
Þetta segir Anna Sigrún Baldursdóttir, aðstoðarmaður forstjóra spítalans, í samtali við Vísi.
Grímur Hergeirsson, rannsóknarlögreglumaður á Suðurlandi, staðfestir að um kínverska konu á þrítugsaldri sé að ræða.
Hann segir málið vera í rannsókn og að verið sé að ræða við vitni. Fyrst og fremst sé um erlenda ferðamenn að ræða og því þurfi aðstoð túlka.
Lögreglan á Selfossi var kölluð út um hádegisbilið í gær vegna slyssins og var konan sótt með þyrlu Landhelgisgæslunnar og flutt á Reykjavíkurflugvöll. Þaðan var konunni ekið á Landspítalann við Hringbraut.
Köfunarslysið í Silfru: Kínverska konan enn mjög þungt haldin
Tengdar fréttir
Mjög þungt haldin á spítala eftir köfunarslys í Silfru
Ferðamaðurinn sem slasaðist á Þingvöllum í dag er kona á þrítugsaldri.
Skoða má hertar reglur um köfun
Skoða má hvort herða beri reglur um köfun í Silfru. Þetta segir Ólafur Örn Haraldsson, þjóðgarðsvörður á Þingvöllum, en erlend kona á þrítugsaldri slasaðist alvarlega í Silfru í gær.
Ferðamaður fluttur með þyrlu á slysadeild eftir alvarlegt köfunarslys í Silfru
Lögreglan á Selfossi var kölluð út um klukkan hálfeitt í dag vegna slyssins.
