Á fjórða þúsund þungaðar konur með Zika

sunna karen sigurþórsdóttir skrifar 6. febrúar 2016 23:16

Ekkert lát virðist á útbreiðslu Zika-veirunnar. vísir/epa

Yfir 3.100 þungaðar konur í Kólumbíu hafa greinst með Zika-veiruna svonefndu sem getur valdið alvarlegum fósturskaða. Ekkert lát virðist á útbreiðslu veirunnar en nú þegar hafa um 26 þúsund manns sýkt af henni í landinu. Frá þessu greindi forseti landsins, Juan Manuel Santos, í sjónvarpsávarpi í dag.

Þegar hafa þrjú dauðsföll verið rakin til veirunnar í Kólumbíu, en um er að ræða fyrstu dauðsföllin tengd henni. Sex önnur eru nú til rannsóknar.

Sjá einnig: Hvað er Zika?

Zika-veiran hefur hingað til verið sögð nokkuð hættulítil en vísbendingar hafa verið um að veiran valdi fósturskaða þannig að börn fæðist vansköpuð, eða með svokallað dverghöfuð. Hún smitast með biti moskítóflugunnar en jafnframt er talið að hún geti smitast við kynmök. Þá hefur hún jafnframt greinst í þvagi og munnvatni.

Zíka

Tengdar fréttir

Þrjú dauðsföll rakin til Zika-veirunnar

Fyrstu dauðsföllin tengd veirunni.

5. febrúar 2016 21:32

Evrópuríki hvött til að bregðast við Zika

WHO segir það áhyggjuefni að veiran geti mögulega borist manna á milli með kynmökum.

3. febrúar 2016 19:59

Zika vírusinn fannst í Texas

Zika vírusinn, sem breiðist nú hratt út um Suður Ameríku hefur nú fundist í manneskju í Texas í Bandaríkjunum. Hingað til hafa flestöll tilfelli sjúkdómsins borist í menn í gegnum bit moskítóflugunnar en í tilfellinu í Texas virðist vírusinn hafa smitast í gegnum kynmök, að því er breska ríkisútvarpið greinir frá.

3. febrúar 2016 07:03