Að minnsta kosti þrjú dauðsföll hafa verið rakin til Zika-veirunnar í Kólumbíu í Suður-Ameríku, að sögn heilbrigðisyfirvalda þar í landi. Um er að ræða fyrstu dauðsföllin tengd veirunni en sex önnur eru nú til rannsóknar.
Talið er að veiran hafi valdið taugasjúkdómnum Guillain-Barre, sem getur leitt til lömunar, en er læknanlegur í flestum tilfellum.
Sjá einnig: Hvað er Zika?
Zika-veiran hefur hingað til verið sögð nokkuð hættulítil en vísbendingar hafa verið um að veiran valdi fósturskaða þannig að börn fæðist vansköpuð, eða með svokallað dverghöfuð. Hún smitast með biti moskítóflugunnar en jafnframt er talið að hún geti smitast við kynmök. Þá hefur hún jafnframt greinst í þvagi og munnvatni.
Yfir tuttugu þúsund manns í Kólumbíu hafa greinst með veiruna, þar af yfir tvö þúsund þungaðar konur. Neyðarástandi hefur verið lýst yfir á heimsvísu vegna veirunnar en óttast er að yfir fjórar milljónir manna muni smitast af henni.
Þrjú dauðsföll rakin til Zika-veirunnar
Tengdar fréttir
Evrópuríki hvött til að bregðast við Zika
WHO segir það áhyggjuefni að veiran geti mögulega borist manna á milli með kynmökum.
Zika vírusinn fannst í Texas
Zika vírusinn, sem breiðist nú hratt út um Suður Ameríku hefur nú fundist í manneskju í Texas í Bandaríkjunum. Hingað til hafa flestöll tilfelli sjúkdómsins borist í menn í gegnum bit moskítóflugunnar en í tilfellinu í Texas virðist vírusinn hafa smitast í gegnum kynmök, að því er breska ríkisútvarpið greinir frá.
Hvað er Zika?
Neyðarástandi hefur verið lýst yfir vegna Zika-veirunnar. En hvað er Zika og hvaða afleiðingar getur hún haft?
Barnshafandi kona á Spáni greinist með Zika
Þetta er fyrsta tilfellið sem upp kemur í Evrópu þar sem staðfest er að barnshafandi kona hafi smitast af Zika.
Óttast fjölgun ólöglegra fóstureyðinga vegna Zika
Yfirvöld í Suður-Ameríku hvött til að endurskoða reglur um getnaðarvarnir og fóstureyðingar.
