Okkar uppáhalds, Kate og Leo

Þó Óskarinn hafi verið viðburðaríkur og þar hafi verið fjöldi kvikmyndastjarna í sínu allra fínasta, þá voru tvö sem vöktu meiri athygli en aðrir. Okkar uppáhalds, Kate og Leo.

Kate Winslet og Leonardo DiCaprio heilluðu okkur fyrst upp úr skónum þegar þau léku ráðvilltu yfirstéttarstúlkuna Rose og fátæka listamanninn Jack í Titanic.

Síðan þá hafa þau ekki bara haldið áfram að heilla okkur á skjánum, saman og í sitt hvoru lagi, heldur hefur einstök vinátta þeirra í alvörunni vakið athygli.

Þau voru sérstaklega sæt saman í gær, bæði þegar þau stilltu sér upp fyrir ljósmyndara á rauða dreglinum og eftir að ljóst var að Leo færi heim með gylltu styttuna í fyrsta sinn.

Þegar Leo fékk loksins Óskarsverðlaunin í gær, eftir næstum tveggja áratuga bið, mátti sjá á viðbrögðum Kate við ræðu Leo hversu mikið þeim þykir vænt hvort um annað og hversu stolt hún var.

Megi Kate og Leo halda áfram að heilla okkur með vináttunni í mörg ár og vera óendanlega krúttleg saman. 

Hér fyrir neðan má sjá myndband af ræðunni frá því í nótt.