Juventus heiðrar Buffon með 16 tíma samantekt | Myndband

Ítölsku meistararnir í Juventus tóku saman skemmtilega samantekt á meti sem Gianlugi Buffon, markvörður liðsins, setti um daginn þegar hann fékk ekki á sig mark í 973. mínútur.

Buffon fékk loksins á sig mark í borgarslagnum í Tóríno um síðustu helgi en þetta var aðeins annað markið sem hann fékk á sig á þessu ári og það fyrsta í rúmlega tvo mánuði.

Samantektin sýnir allar markvörslur hans á þessum tveimur mánuðum en samantektin er alls 16 klukkustundir og 17 mínútur eða 973. mínútur. Jafn langt og metið sem Buffon setti.

Fyrir áhugasama má sjá myndbandið hér fyrir neðan.