Volvo S60 Polestar er 367 hestöfl

Ný 2107 árgerð af kraftaútgáfu Volvo S60 og V60 bílanna tapar tveimur strokkum frá síðustu gerð hans. Hann verður samt öflugri en forverinn og skartar heilum 367 hestöflum með einungis 2,0 lítra og fjögurra strokka vél.

Forverinn var með 6 strokka vél sem var 345 hestöfl. Nýja gerðin af S60 er aðeins 4,4 sekúndur í hundraðið og V60 gerðin 4,5 sekúndur. Það er þremur tíundu úr sekúndu betri tími en ná mátti á forveranum.

Volvo S60 og V60 má einnig fá sem tengiltvinnbíl sem fær Drive-E nafn í enda nafnsins og þeir eru 302 hestafla og því alls engir letingjar heldur. Sjálfskiptingin í Polestar bílunum er nú orðin 8 gíra en var 6 gíra áður.

Volvo framleiðir ekki svo margar Polestar bíla á hverju ári, en í fyrra voru þeir aðeins 750. Volvo ætlar þó að tvöfalda framleiðsluna í ár og því verða 1.500 bílar til skiptanna.

Volvo S60 og V60 Polestar bílarnir eru ekki alveg ókeypis og til dæmis kostaði S60 Polestar 60.640 dollara í Bandaríkjunum í fyrra og V60 Polestar 62.240 dollara.