Umfjöllun og viðtöl: ÍBV - Haukar 25-32 | Haukar klófestu titilinn í Eyjum Guðmundur Tómas Sigfússon skrifar 2. apríl 2016 16:15 Elín Jóna Þorsteinsdóttir markvörður Hauka. Vísir/Ernir Haukar urðu í dag deildarmeistar í Olís-deild kvenna eftir 25-32 sigur á ÍBV. Fram sigraði Gróttu á sama tíma og því fögnuðu Haukastelpur vel í leikslok þar sem titilinn var í höfn. ÍBV byrjaði leikinn betur og virtust ætla að mæta af miklum krafti í upphafi. Þær leiddu á fyrstu mínútunum en fjöldinn allur af vítum var dæmdur í upphafi. Haukakonur tóku fljótt forystuna á ný og héldu henni síðasta korterið af fyrri hálfleik. Haukar náðu þriggja marka forskoti þegar lítið var eftir af fyrri hálfleik en þá hafði lítið gengið upp hjá ÍBV í einhvern tíma. Ótrúleg seigla Eyjakvenna sýndi sig samt á lokamínútunum fyrri hálfleiks og kom það í veg fyrir að staðan væri erfið í hálfleik. Drífa Þorvaldsdóttir fékk þá tvö víti sem hún nýtti vel og náði Kristrún Ósk Hlynsdóttir einnig að setja eitt mark. Að loknum skemmtilegum fyrri hálfleik var staðan því 13-13. Elín Jóna Þorsteinsdóttir átti frábæran leik í marki Hauka en hún varði rúm tíu skot í fyrri hálfleik og bætti nokkrum við í þeim síðari. Hún hefur verið öflug fyrir Hauka og ætti að fá mikið lof fyrir leik sinn sérstaklega eftir áramót. ÍBV komst yfir 14-13 í upphafi síðari hálfleiks en þá tók við algjörlega frábær kafli hjá Haukum, þar sem liðið sýndi af hverju þær eru efstar í deildinni. Þær skoruðu sex mörk í röð en vörnin stóð frábærlega og sóknirnar gengu eins og í sögu. Munurinn var því orðinn sex mörk og komust ÍBV ekki mikið nær á næstu mínútum. Óskar Ármannsson lét vel í sér heyra á hliðarlínunni og virtist vera ótrúlega sáttur með sínar stelpur í seinni hálfleik. Þegar tólf mínútur voru eftir tókst ÍBV að minnka muninn niður í tvö mörk, þá kom hins vegar annar stórkostlegur kafli hjá Haukunum sem kláruðu leikinn. Þær komust átta mörkum yfir með öguðum sóknarleik og frábærum varnarleik. Vera Lopes klóraði í bakkann fyrir ÍBV en hún átti ekki sérstaklega góðan dag fyrir framan markið. Ester Óskarsdóttir náði sér heldur ekki á strik og það munar um minna hjá ÍBV.Óskar Ármannsson: Einbeiting og þolinmæði „Einbeiting og þolinmæði var lykillinn, við spiluðum sterka vörn lengst af. Við töluðum vel saman í hálfleik og mér fannst við koma rosa sterkar inn í seinni hálfleikinn,“ sagði Óskar Ármannsson, þjálfari Hauka, rétt eftir að liðið varð deildarmeistari í dag. „Vörnin skilaði þessu, við fengum einnig mörk í sókninni, einstaka slæmar ákvarðanir komu. Það gerist oft á móti Vestmannaeyjum en við héldum því í lágmarki í dag.“ „Það var einhver pirringur í hálfleik, einhverjir dómar sem féllu, áhorfendur stjökuðu við leikmönnum og eitthvað svona minniháttar. Það var ýmislegt undir og við þurftum að ná að róa okkur.“ Fram kláraði Gróttu á Seltjarnarnesi og Haukar urðu því deildarmeistarar í dag, það hlýtur að vera sætt að klára það í næst síðustu umferðinni. „Ógeðslega sætt, það er gott að eiga einn leik í buffer, það er mjög ánægjulegt fyrir okkur að skila deildarmeistaratitli til félagsins kvenna megin. Það er mjög gott fyrir félagið í heild sinni.“ „Við erum „rönkuð“ í 4.-5. sæti fyrir mót, við erum ekki búin að tapa deildarleik síðan í nóvember og erum búnar að tapa tveimur deildarleikjum yfir allt tímabilið. Ég held að það sé nánast einstakt, ég get ekki annað en verið ánægður með niðurstöðu deildarinnar,“ sagði Óskar að lokum um tímabilið í heild sinni.Hrafnhildur Ósk Skúladóttir: Tapið skiptir engu máli„Það er alltaf leiðinlegt að tapa, þetta skipti svo sem engu máli fyrir okkur fyrst að Grótta tapaði fyrir Fram,“ sagði Hrafnhildur Ósk Skúladóttir, þjálfari ÍBV, eftir sjö marka tap gegn Haukum. „Við hefðum aldrei náð heimaleikjaréttinum, þetta tap skiptir engu máli. Það hefði verið gott fyrir andlegu hliðina okkar að ná sigri í dag. Þetta var virkilega góð barátta í liðinu í 45 mínútur.“ „Við dettum niður á köflum þegar góðu kaflarnir koma hjá þeim og trúin fer frá okkur. Við rífum okkur svo upp aftur og minnkum í tvö, þá kemur þetta aftur. Mér fannst við vera að berjast en frá byrjun var þetta stöngin út í dag.“ Lykilmenn ÍBV náðu sér ekki á strik í það, getur Hrafnhildur tekið undir það? „Þær voru frekar óheppnar, voru að taka réttu færin en boltinn vildi ekki rosalega mikið inn. Svekkjandi en ekkert eitthvað glórulaust. Þetta voru réttar ákvarðanir en það vantaði að sjá boltann í netinu.“ Íslenski handboltinn Olís-deild kvenna Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Hún reif í mig og hraunaði yfir mig, á Marilegan hátt“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira
Haukar urðu í dag deildarmeistar í Olís-deild kvenna eftir 25-32 sigur á ÍBV. Fram sigraði Gróttu á sama tíma og því fögnuðu Haukastelpur vel í leikslok þar sem titilinn var í höfn. ÍBV byrjaði leikinn betur og virtust ætla að mæta af miklum krafti í upphafi. Þær leiddu á fyrstu mínútunum en fjöldinn allur af vítum var dæmdur í upphafi. Haukakonur tóku fljótt forystuna á ný og héldu henni síðasta korterið af fyrri hálfleik. Haukar náðu þriggja marka forskoti þegar lítið var eftir af fyrri hálfleik en þá hafði lítið gengið upp hjá ÍBV í einhvern tíma. Ótrúleg seigla Eyjakvenna sýndi sig samt á lokamínútunum fyrri hálfleiks og kom það í veg fyrir að staðan væri erfið í hálfleik. Drífa Þorvaldsdóttir fékk þá tvö víti sem hún nýtti vel og náði Kristrún Ósk Hlynsdóttir einnig að setja eitt mark. Að loknum skemmtilegum fyrri hálfleik var staðan því 13-13. Elín Jóna Þorsteinsdóttir átti frábæran leik í marki Hauka en hún varði rúm tíu skot í fyrri hálfleik og bætti nokkrum við í þeim síðari. Hún hefur verið öflug fyrir Hauka og ætti að fá mikið lof fyrir leik sinn sérstaklega eftir áramót. ÍBV komst yfir 14-13 í upphafi síðari hálfleiks en þá tók við algjörlega frábær kafli hjá Haukum, þar sem liðið sýndi af hverju þær eru efstar í deildinni. Þær skoruðu sex mörk í röð en vörnin stóð frábærlega og sóknirnar gengu eins og í sögu. Munurinn var því orðinn sex mörk og komust ÍBV ekki mikið nær á næstu mínútum. Óskar Ármannsson lét vel í sér heyra á hliðarlínunni og virtist vera ótrúlega sáttur með sínar stelpur í seinni hálfleik. Þegar tólf mínútur voru eftir tókst ÍBV að minnka muninn niður í tvö mörk, þá kom hins vegar annar stórkostlegur kafli hjá Haukunum sem kláruðu leikinn. Þær komust átta mörkum yfir með öguðum sóknarleik og frábærum varnarleik. Vera Lopes klóraði í bakkann fyrir ÍBV en hún átti ekki sérstaklega góðan dag fyrir framan markið. Ester Óskarsdóttir náði sér heldur ekki á strik og það munar um minna hjá ÍBV.Óskar Ármannsson: Einbeiting og þolinmæði „Einbeiting og þolinmæði var lykillinn, við spiluðum sterka vörn lengst af. Við töluðum vel saman í hálfleik og mér fannst við koma rosa sterkar inn í seinni hálfleikinn,“ sagði Óskar Ármannsson, þjálfari Hauka, rétt eftir að liðið varð deildarmeistari í dag. „Vörnin skilaði þessu, við fengum einnig mörk í sókninni, einstaka slæmar ákvarðanir komu. Það gerist oft á móti Vestmannaeyjum en við héldum því í lágmarki í dag.“ „Það var einhver pirringur í hálfleik, einhverjir dómar sem féllu, áhorfendur stjökuðu við leikmönnum og eitthvað svona minniháttar. Það var ýmislegt undir og við þurftum að ná að róa okkur.“ Fram kláraði Gróttu á Seltjarnarnesi og Haukar urðu því deildarmeistarar í dag, það hlýtur að vera sætt að klára það í næst síðustu umferðinni. „Ógeðslega sætt, það er gott að eiga einn leik í buffer, það er mjög ánægjulegt fyrir okkur að skila deildarmeistaratitli til félagsins kvenna megin. Það er mjög gott fyrir félagið í heild sinni.“ „Við erum „rönkuð“ í 4.-5. sæti fyrir mót, við erum ekki búin að tapa deildarleik síðan í nóvember og erum búnar að tapa tveimur deildarleikjum yfir allt tímabilið. Ég held að það sé nánast einstakt, ég get ekki annað en verið ánægður með niðurstöðu deildarinnar,“ sagði Óskar að lokum um tímabilið í heild sinni.Hrafnhildur Ósk Skúladóttir: Tapið skiptir engu máli„Það er alltaf leiðinlegt að tapa, þetta skipti svo sem engu máli fyrir okkur fyrst að Grótta tapaði fyrir Fram,“ sagði Hrafnhildur Ósk Skúladóttir, þjálfari ÍBV, eftir sjö marka tap gegn Haukum. „Við hefðum aldrei náð heimaleikjaréttinum, þetta tap skiptir engu máli. Það hefði verið gott fyrir andlegu hliðina okkar að ná sigri í dag. Þetta var virkilega góð barátta í liðinu í 45 mínútur.“ „Við dettum niður á köflum þegar góðu kaflarnir koma hjá þeim og trúin fer frá okkur. Við rífum okkur svo upp aftur og minnkum í tvö, þá kemur þetta aftur. Mér fannst við vera að berjast en frá byrjun var þetta stöngin út í dag.“ Lykilmenn ÍBV náðu sér ekki á strik í það, getur Hrafnhildur tekið undir það? „Þær voru frekar óheppnar, voru að taka réttu færin en boltinn vildi ekki rosalega mikið inn. Svekkjandi en ekkert eitthvað glórulaust. Þetta voru réttar ákvarðanir en það vantaði að sjá boltann í netinu.“
Íslenski handboltinn Olís-deild kvenna Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Hún reif í mig og hraunaði yfir mig, á Marilegan hátt“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira