Síðasta andvarp Risaeðlunnar? Stefán Þór Hjartarson skrifar 19. maí 2016 10:00 Hljómsveitin Risaeðlan mun syngja sitt síðasta í Gamla bíói í kvöld. Vísir/Ernir „Við héldum tónleika síðast 1996, þannig að það eru 20 ár síðan. Þetta er gleðileg upprifjun og endanleg jarðarför. Þetta er síðasta andvarpið. Þetta verður ekkert rosalega andvarpslegt – risaeðlur eru svo stórar að þegar þær andvarpa springur þakið af húsinu,“ segir Margrét Kristín Blöndal, eða Magga Stína, um endurkomutónleika Risaeðlunnar sem jafnframt munu verða þeir síðustu hjá sveitinni." Risaeðlan goðsagnakennda er hljómsveit sem var stofnuð 1984 og var eins og margar aðrar hljómsveitir menntaskólaflipp til að byrja með sem svo þróaðist út í eitthvað miklu stærra. Sveitin gaf út sína fyrstu plötu sumarið 1989 á vegum Smekkleysu. Þetta var tólf tommu smáskífa sem kom meðal annars út í Bretlandi og fékk þar góðar viðtökur. Sveitin túraði um Bandaríkin ásamt Bless og Ham sem hluti af útrás Smekkleysu, Heimsyfirráð eða dauði, gaf út breiðskífuna Fame and Fossils og hætti nokkru síðar. Sveitin gaf síðan óvænt úr plötuna Efta! eftir að hafa verið talin af. Í sveitinni hafa orðið nokkrar mannabreytingar í gegnum árin og hún hefur lagst í dvala og vaknað aftur oftar en einu sinni. Skipan hljómsveitarinnar eins og hún mun koma fram í kvöld er sú að þarna verður Halldóra Geirharðsdóttir að blása í saxófón og þenja söngröddina, Magga Stína mundar fiðluna og syngur líka, Ívar Bongó Ragnarsson plokkar bassann, Sigurður Guðmundsson verður á gítar og Þórarinn Kristjánsson lemur á trommur. En af hverju skyldi Risaeðlan kjósa að halda jarðarför sína akkúrat núna? „Þetta er af því að við vorum vakin upp á hátíðinni Aldrei fór ég suður á Ísafirði um páskana og við vildum þá líka, svona úr því að við vorum vöknuð, spila í Reykjavík fyrir vini og vandamenn og alla þá sem heyra vilja – það hafa margir komið að máli við okkur. Það má eiga von á því að það verði einhver tryllingur í loftinu, án þess að maður ætli að vera með einhverjar yfirlýsingar. Við verðum þarna með tveimur öðrum hljómsveitum, ungum hljómsveitum, sem okkur finnst frábært. Þetta er Hórmónar – hljómsveit sem vann Músíktilraunir og hljómsveitin RuGL – sem er dúett skipaður tveimur stelpum úr Hagaskóla og þær tóku líka þátt í Músíktilraunum. Okkur finnst það vera í anda Risaeðlunnar, af því að það eru stelpur í báðum hljómsveitunum; án þess að það sé fréttnæmt í dag að stelpur séu í hljómsveitum þá var það sannarlega þegar við vorum að stíga okkar fyrstu skref. Við gleðjumst yfir því að stelpur séu komnar á þann stað að þær hiki ekki þegar þær vilja stofna hljómsveit. Síðan eru þetta líka krakkar sem stofnuðu hljómsveitir án þess að kunna mikið á hljóðfærin og það er líka mikið í anda Risaeðlunnar, svona spontaníet – í anda orðsnillingsins sem sagði „að gera en ekki geta“. Okkur er heiður að því að spila með þessum tveimur hljómsveitum,“ segir Magga Stína. Með hliðsjón af sögu Risaeðlunnar verður fróðlegt að sjá hvort hér sé um eiginlega jarðarför að ræða eða hvort sveitin muni vakna af dvala á ný í framtíðinni og gefa óvænt út plötu." Tónleikarnir eru í kvöld í Gamla bíói og hefjast klukkan 21. Miðasala fer fram á tix.is og hjá Gamla bíói í síma 563-4000.Fréttin birtist í Fréttablaðinu 19. maí. Aldrei fór ég suður Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira
„Við héldum tónleika síðast 1996, þannig að það eru 20 ár síðan. Þetta er gleðileg upprifjun og endanleg jarðarför. Þetta er síðasta andvarpið. Þetta verður ekkert rosalega andvarpslegt – risaeðlur eru svo stórar að þegar þær andvarpa springur þakið af húsinu,“ segir Margrét Kristín Blöndal, eða Magga Stína, um endurkomutónleika Risaeðlunnar sem jafnframt munu verða þeir síðustu hjá sveitinni." Risaeðlan goðsagnakennda er hljómsveit sem var stofnuð 1984 og var eins og margar aðrar hljómsveitir menntaskólaflipp til að byrja með sem svo þróaðist út í eitthvað miklu stærra. Sveitin gaf út sína fyrstu plötu sumarið 1989 á vegum Smekkleysu. Þetta var tólf tommu smáskífa sem kom meðal annars út í Bretlandi og fékk þar góðar viðtökur. Sveitin túraði um Bandaríkin ásamt Bless og Ham sem hluti af útrás Smekkleysu, Heimsyfirráð eða dauði, gaf út breiðskífuna Fame and Fossils og hætti nokkru síðar. Sveitin gaf síðan óvænt úr plötuna Efta! eftir að hafa verið talin af. Í sveitinni hafa orðið nokkrar mannabreytingar í gegnum árin og hún hefur lagst í dvala og vaknað aftur oftar en einu sinni. Skipan hljómsveitarinnar eins og hún mun koma fram í kvöld er sú að þarna verður Halldóra Geirharðsdóttir að blása í saxófón og þenja söngröddina, Magga Stína mundar fiðluna og syngur líka, Ívar Bongó Ragnarsson plokkar bassann, Sigurður Guðmundsson verður á gítar og Þórarinn Kristjánsson lemur á trommur. En af hverju skyldi Risaeðlan kjósa að halda jarðarför sína akkúrat núna? „Þetta er af því að við vorum vakin upp á hátíðinni Aldrei fór ég suður á Ísafirði um páskana og við vildum þá líka, svona úr því að við vorum vöknuð, spila í Reykjavík fyrir vini og vandamenn og alla þá sem heyra vilja – það hafa margir komið að máli við okkur. Það má eiga von á því að það verði einhver tryllingur í loftinu, án þess að maður ætli að vera með einhverjar yfirlýsingar. Við verðum þarna með tveimur öðrum hljómsveitum, ungum hljómsveitum, sem okkur finnst frábært. Þetta er Hórmónar – hljómsveit sem vann Músíktilraunir og hljómsveitin RuGL – sem er dúett skipaður tveimur stelpum úr Hagaskóla og þær tóku líka þátt í Músíktilraunum. Okkur finnst það vera í anda Risaeðlunnar, af því að það eru stelpur í báðum hljómsveitunum; án þess að það sé fréttnæmt í dag að stelpur séu í hljómsveitum þá var það sannarlega þegar við vorum að stíga okkar fyrstu skref. Við gleðjumst yfir því að stelpur séu komnar á þann stað að þær hiki ekki þegar þær vilja stofna hljómsveit. Síðan eru þetta líka krakkar sem stofnuðu hljómsveitir án þess að kunna mikið á hljóðfærin og það er líka mikið í anda Risaeðlunnar, svona spontaníet – í anda orðsnillingsins sem sagði „að gera en ekki geta“. Okkur er heiður að því að spila með þessum tveimur hljómsveitum,“ segir Magga Stína. Með hliðsjón af sögu Risaeðlunnar verður fróðlegt að sjá hvort hér sé um eiginlega jarðarför að ræða eða hvort sveitin muni vakna af dvala á ný í framtíðinni og gefa óvænt út plötu." Tónleikarnir eru í kvöld í Gamla bíói og hefjast klukkan 21. Miðasala fer fram á tix.is og hjá Gamla bíói í síma 563-4000.Fréttin birtist í Fréttablaðinu 19. maí.
Aldrei fór ég suður Tónlist Mest lesið Ævintýrin hófust þegar hann hafnaði Juilliard Tónlist Magnaðar myndir af lengstu á landsins Lífið Sjóðheitar og einhleypar inn í haustið Lífið Speak No Evil: Pabbi er ekki með fulle fem Gagnrýni „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Kristófer Helga í veikindaleyfi Lífið Seldu Kolbeini Sigþórs og keyptu í miðbænum Lífið Enginn súr í sætu teiti í Ásmundarsal Tónlist Ebba Katrín og Oddur keyptu hús í miðbænum Lífið Segir Murphy gera lítið úr kynferðisofbeldi Bíó og sjónvarp Fleiri fréttir Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Sjá meira