Aníta fer með til Möltu

Aníta Hinriksdóttir er meðal þeirra sextán íslenskra keppenda sem keppa á fyrsta Smáþjóðameistaramótinu í frjálsum íþróttum sem fer fram á Möltu í næsta mánuði.

Frjálsíþróttasambandið hefur valið þessa sextán íþróttamenn í ferðina en keppnin fer öll fram 11. júní næstkomandi.  Þetta kemur fram í frétt á heimasíðu sambandsins.

Aníta Hinriksdóttir er eini keppendinn frá Íslandi sem hefur þegar unnið sér sæti á Ólympíuleikunum í Ríó sem fer fram í ágústmánuði. Ásdís Hjálmsdóttir hefur einnig tryggt sér þátttökurétt á leikunum en hún verður ekki með á Möltu.

Mótið er fyrsta stóra verkefni landsliðs Íslands í frjálsíþróttum á þessu sumri en framundan eru Evrópumeistaramót og Ólympíuleikar auk margra unglingaverkefna þar á meðal Norðurlandameistaramót 19 ára og yngri sem fram fer í Hafnarfirði.

Á Smáþjóðameistaramótinu keppa, auk Íslands, lið smáþjóðanna, Andorra, Kýpur, Möltu, Lúxemborg, Liechtenstein, San Marínó og Mónakó, en einnig taka lið frá Albaníu, Armeníu, Aserbaísjan, Bosníu, Georgíu, Kósovó, Moldavíu og Makedóníu þátt í mótinu.

Það verður því gríðarlega verðug keppni sem íslenska liðið fær og spennandi að sjá hvort að einhverjir ná lágmörkum á Evrópumeistaramótið í Amsterdam.



Þau sem hafa verið valdir til að keppa fyrir Íslands hönd á Smáþjóðameistaramótinu eru:

Konur:

Hrafnhild Eir Hermóðsdóttir: 100 m, 200 m, 1000 m boðhlaup

Þórdís Eva Steinsdóttir: 400 m, 1000 m boðhlaup

Arna Stefanía Guðmundsdóttir: 100 gr., 400 m, 1000 m boðhlaup

Aníta Hinriksdóttir: 800 m, 1000 m boðhlaup

Hafdís Sigurðardóttir: Langstökk, 100 m, 1000 m boðhlaup

Vigdís Jónsdóttir: Sleggjukast

Karlar:

Kolbeinn Höður Gunnarsson: 100 m, 400 m, 1000 m boðhlaup

Ari Bragi Kárason: 100 m, 200 m, 1000 m boðhlaup

Ívar Kristinn Jasonarson: 400 m, 1000 m boðhlaup

Trausti Stefánsson: 200 m, 1000 m boðhlaup

Kristinn Þór Kristinsson: 800 m, 1000 m boðhlaup

Hlynur Andrésson: 3000 m

Kristinn Torfason: Langstökk

Stefán Velemir: Kúluvarp

Óðinn Björn Þorsteinsson: Kúluvarp

Guðni Valur Guðnason: Kringlukast