Rússar komnir á skilorð

Það er eins gott fyrir stuðningsmenn rússneska landsliðsins að haga sér almennilega það sem eftir er af EM.

Evrópska knattspyrnusambandið, UEFA, hefur sett rússneska liðið í skilorsbundið bann vegna hegðunar stuðningsmanna liðsins í leiknum gegn Englendingum.

Rússar mega sem sagt halda keppni en ef Rússarnir halda sér ekki á mottunni þá verður liðinu vísað úr keppni.

Rússneska knattspyrnusambandið var síðan sektað um 20 milljónir króna vegna hegðunar stuðningsmannanna sem gerðu aðsúg að stuðningsmönnum Englands undir lok leiks þjóðanna.