Barcelona kaupir Evrópumeistara

Barcelona hefur komist að samkomulagi við Valencia um kaup á portúgalska miðjumanninum Andre Gomes.

Hinn 22 ára gamli Gomes varð Evrópumeistari með portúgalska landsliðinu fyrr í þessum mánuði en hann lék fimm leiki á EM í Frakklandi.

Gomes er fjórði leikmaðurinn sem Barcelona kaupir í sumar. Áður voru frönsku varnarmennirnir Samuel Umtiti og Lucas Digne og spænski miðjumaðurinn Denis Suárez komnir.

Gomes kom til Valencia frá Benfica sumarið 2014 og lék 77 leiki og skoraði níu mörk fyrir spænska liðið.