Stofnandi Huffington Post stígur úr ritstjórastólnum

Arianna Huffington, annar stofnenda Huffington Post, hefur tilkynnt að hún muni láta af störfum sem ritstjóri fréttasíðunnar.

Huffington segir á Twitter-síðu sinni að hún muni nú einbeita sér að nýju verkefni, Thrive Global.

Í frétt BBC kemur fram að Thrive Global sé verkefni sem ætlað sé að berjast gegn því að fólk brenni út í starfi.

Hin 66 ára Huffington stofnaði hina frjálslyndu fréttasíðu Huffington Post fyrir ellefu árum og er síðan nú starfrækt í níu löndum með alls um 81 milljónir notendur á mánuði.

I thought HuffPost would be my last act. But I’ve decided to step down as HuffPost’s editor-in-chief to run my new venture, Thrive Global.

— Arianna Huffington (@ariannahuff) August 11, 2016