Fótbolti

Madrídarliðin í félagaskiptabann

Ingvi Þór Sæmundsson skrifar
Madrídarliðin mættust í úrslitaleik Meistaradeildar Evrópu í vor. Real Madrid hafði betur eftir vítaspyrnukeppni.
Madrídarliðin mættust í úrslitaleik Meistaradeildar Evrópu í vor. Real Madrid hafði betur eftir vítaspyrnukeppni. vísir/getty
Spænsku stórliðin Real Madrid og Atlético Madrid hafa verið sett í félagaskiptabann af FIFA, Alþjóðaknattspyrnusambandinu.

Madrídarliðin voru kærð fyrir að brjóta reglur um félagaskipti ungra leikmanna og áfrýjunum þeirra var vísað frá af FIFA.

Bannið tekur gildi í janúar þegar félagaskiptaglugginn opnar næst. Bannið gildir til janúar 2018 en Madrídarliðin mega því ekki kaupa leikmenn í næstu tveimur félagaskiptagluggum.

Félögin fengu einnig vænar sektir. Atlético Madrid þarf að borga rúmar 95 milljónir íslenskra króna og Real Madrid 38 milljónir.

Spænski boltinn

Mest lesið


Fleiri fréttir

Sjá meira


×

Mest lesið