Öskraði á fólk út um allt á meðan Hafn­firðingarnir fluttu inn í IKEA

Snapchat-keppnin So You Think You Can Snap!, þar sem framhaldsskólar landsins etja kappi, heldur nú áfram á þriðju keppnisviku.

Nikulás Hansen, Fjölbrautaskóla Suðurlands, og Kristinn Óli Haraldsson úr Flensborg mættust á föstudaginn á tíunda keppnisdegi. Hægt er að horfa á framlag þeirra í spilaranum hér að ofan. Nikulás gekk um allan Selfossbæ og öskraði úr sér líftóruna. Í Flensborg fóru menn í IKEA og gerðu sig heimakæra þar.

Tuttugu framhaldsskólar hafa skráð sig til leiks í keppninni. Hver skóli teflir fram einum snappara en keppnin fer fram á Snapchat-reikningi Áttunnar, Attan_official, og fer atkvæðagreiðslan fram þar.

Tveir skólar keppa á dag og reyna snappararnir að öðlast hylli áhorfenda með fyndnum, skemmtilegum eða áhugaverðum snöppum. Áhorfendur velja svo þann sem þeim þykir betri með skjáskoti í lok dags.

Sá skóli sem fær fleiri skjáskot og þar af leiðandi atkvæði kemst áfram í undanúrslit.

Atkvæðagreiðsla fyrir níunda keppnisdag kláraðist á föstudag en þar mættust MR og VMA. VMA hafði betur og heldur skólinn áfram í næstu umferð.

MH og Framhaldsskólinn á Húsavík mætast í dag í fyrstu viðureign undanúrslitanna og er hægt að fylgjast með einvíginu á Snapchat-reikningnum Attan_official. Við munum sýna myndband af þeirri viðureign hér á Vísi á morgun.

Keppnin heldur síðan áfram í þessarri og næstu viku og mun Vísir fylgjast grannt með gangi mála allt til enda.

Að keppninni stendur sam­fé­lags­miðla­þátturinn Áttan, sem þeir Nökkvi Fjalar, Aron Ingi og Egill Ploder skipa. Nýherji er bakhjarl keppninnar og fær sigurvegarinn nýja Lenovo tölvu í vinning.

Dagskrá keppninnar - Undanúrslit:



Mánudagur 5. september

Menntaskólinn við Hamrahlíð vs. Framhaldsskólinn á Húsavík

Þriðjudagur 6. september -

Menntaskólinn á Tröllaskaga vs. Menntaskólinn á Akureyri

Miðvikudagur 7. september

Menntaskólinn í Kópavogi vs. Verslunarskóli Íslands

Fimmtudagurinn 8. september

Menntaskólinn við Sund vs. Fjölbrautarskólinn í Garðabæ

Föstudagurinn 9. september

Verkmenntaskóli Akureyrar - Flensborg