Breki hinn einhenti rústaði andstæðingnum og nektin allsráðandi á Akureyri

Snapchat-keppnin So You Think You Can Snap!, þar sem framhaldsskólar landsins etja kappi, heldur nú áfram á annarri keppnisviku.

Snorri Másson fyrir MR og Albert Jóhannsson fyrir VMA mættust í gær á níunda keppnisdegi.

Hægt er að horfa á framlag þeirra í spilaranum hér að ofan. Hjá MR var busadagur og því eðlilega mikið um að vera í skólanum en á Akureyri hrækti Albert framan í vin sinn og voru menn mikið að vinna með nektina fyrir norðan.

Tuttugu framhaldsskólar hafa skráð sig til leiks í keppninni. Hver skóli teflir fram einum snappara en keppnin fer fram á Snapchat-reikningi Áttunnar, Attan_official, og fer atkvæðagreiðslan fram þar.

 

Tveir skólar keppa á dag og reyna snappararnir að öðlast hylli áhorfenda með fyndnum, skemmtilegum eða áhugaverðum snöppum. Áhorfendur velja svo þann sem þeim þykir betri með skjáskoti í lok dags.

Sá skóli sem fær fleiri skjáskot og þar af leiðandi atkvæði kemst áfram í undanúrslit.

Atkvæðagreiðsla fyrir áttunda keppnisdag kláraðist í gær en þar mættust Lena Huld, Fjölbrautaskóla Snæfellinga, og Starkaður Pétursson, FG. Starkaður hafði betur og mun halda áfram í næstu umferð.

Fjölbrautaskóli Suðurlands og Flensborg mættast í dag á tíunda keppnisdegi og verður greint frá því á mánudaginn, og er hægt að fylgjast með einvíginu á Snapchat-reikningnum Attan_official. 

Keppnin heldur áfram næstu vikurnar og mun Vísir fylgjast grannt með gangi mála.

Að keppninni stendur sam­fé­lags­miðla­þátturinn Áttan, sem þeir Nökkvi Fjalar, Aron Ingi og Egill Ploder skipa. Nýherji er bakhjarl keppninnar og fær sigurvegarinn nýja Lenovo tölvu í vinning.

Dagskrá keppninnar:

22. ágúst

Fjölbrautarskóli Vesturlands vs. Menntaskólinn við Hamrahlíð (sigurvegari)

23. ágúst

Fjölbrautarskóli Mosfellsbæjar vs. Menntaskólinn á Tröllaskaga (sigurvegari)

24. ágúst

Framhaldsskólinn á Húsavík (sigurvegari) vs. Tækniskólinn

25. ágúst

Menntaskólinn á Akureyri (sigurvegari) vs. Fjölbraut við Ármúla

26. ágúst

Framhaldsskólinn í Vestmannaeyjum vs. Menntaskólinn í Kópavogi (sigurvegari)

29. ágúst

Fjölbraut í Breiðholti vs. Menntaskólinn við Sund (sigurvegari)

30. ágúst

Kvennaskólinn vs. Verzlunarskóli Íslands (sigurvegari)

31. ágúst

Fjölbrautarskóli Snæfellinga vs. Fjölbraut í Garðabæ (sigurvegari)

1. september

Menntaskólinn í Reykjavík vs. Verkmenntaskólinn á Akureyri

2. september

Fjölbrautarskóli Suðurlands vs. Flensborgarskólinn