Arnautovic jafnaði tvisvar gegn Wales | Öll úrslit kvöldsins

Níu leikir fóru fram Evrópuhluta undankeppni HM 2018 í kvöld.

Austurríki og Wales gerðu 2-2 jafntefli í hörkuleik í D-riðli.

Walesverjar, sem komu mikið á óvart á EM í sumar, komust í tvígang yfir en Marko Arnautovic jafnaði tvisvar fyrir Austurríki.

Bæði lið eru með fjögur stig í riðlinum líkt og Serbar og Írar.

Serbía átti ekki í neinum vandræðum með að leggja Moldóvu að velli á útivelli. Filip Kostic, Branislav Ivanovic og Dusan Tadic skoruðu í 0-3 sigri Serba.

Seamus Coleman tryggði Írum öll þrjú stigin gegn Georgíu í Dublin. Everton-maðurinn skoraði eina mark leiksins eftir 10 mínútna leik í seinni hálfleik.

Í G-riðli skildu Ítalir og Spánverjar jafnir, 1-1, í stórleik í Tórínó, Albanía vann Liechtenstein og Ísrael vann góðan útisigur á Makedónum.

Í I-riðli unnu Íslendingar dramatískan 3-2 sigur á Finnum á Laugardalsvelli.

Þá gerðu Tyrkir og Úkraínumenn 2-2 jafntefli og Króatía rúllaði yfir Kósovó.

Úrslit kvöldsins:

D-riðill:

Austurríki 2-2 Wales

0-1 Joe Allen (22.), 1-1 Marko Arnautovic (28.), 1-2 Kevin Wimmer, sjálfsmark (45+1.), 2-2 Arnautovic (48.).

Moldóva 0-3 Serbía

0-1 Filip Kostic (20.), 0-2 Branislav Ivanovic (37.), 0-3 Dusan Tadic (59.).

Írland 1-0 Georgía

1-0 Seamus Coleman (56.).

G-riðill:

Ítalía 1-1 Spánn

0-1 Vitolo (55.), 1-1 Daniele De Rossi, víti (82.).

Liechtenstein 0-2 Albanía

0-1 Peter Jehle, sjálfsmark (11.), 0-2 Bekim Balaj (71.).

Makedónía 1-2 Ísrael

0-1 Tomer Hemed (25.), 0-2 Tal Ben-Haim II (43.), 1-2 Ilja Nestorovski (63.).

Rautt spjald: Eitan Tibi, Ísrael (90+4.).

I-riðill:

Ísland 3-2 Finnland

0-1 Teemu Pukki (20.), 1-1 Kári Árnason (37.), 1-2 Robin Lod (39.), 2-2 Alfreð Finnbogason (90.), 3-2 Ragnar Sigurðsson (90+4.).

Tyrkland 2-2 Úkraína

0-1 Andriy Yarmolenko, víti (24.), 0-2 Artem Kravets (26.), 1-2 Ozan Tufan (45+1.), 2-2 Hakan Calhanoglu, víti (81.).

Kósovó 0-6 Króatía

0-1 Mario Mandzukic (6.), 0-2 Mandzukic (24.), 0-3 Mandzukic (35.), 0-4 Matej Mitrovic (68.), 0-5 Ivan Perisic (83.), 0-6 Nikola Kalinic (90+2.).