North West prófar Kylie Lip Kit

Það er nokkuð ljóst að North West hefur ekki langt að sækja áhugann á tísku og förðun. Móðir hennar, Kim Kardashian, er ein frægasta stjarna heims og er mikil áhugakona um förðun. Faðir hennar, Kanye West, er að búa sér til nafn innan tískuheimsins sem hefur gengið eins og í sögu hingað til.

North var hjá Kylie frænku sinni á dögunum. Þar fékk hún að prófa Kylie Lip Kit sem var hannað af stóru frænku. North fékk að máta svartan varalit sem hefur eflaust verið mikil skemmtun fyrir hana. 

Svarti liturinn fór henni óneitanlega vel en við efumst um að við munum sjá hana gangandi um með varaliti, enda er hún aðeins þriggja ára gömul.