Suarez vill enda ferilinn hjá Barcelona

Luis Suarez segist vera kominn í samningaviðræður við forráðamenn Barcelona um langtímasamning við klúbbinn.

Hann ætlar að ljúka ferlinum hjá Barcelona. Þessi úrúgvæski framherji gekk til liðs við Barcelona frá Liverpool árið 2014 og greiddi Barcelona 75 milljónir evra fyrir kappann.

Hann hefur núna skorað 62 mörk í 70 leikjum fyrir Barcelona í spænsku úrvalsdeildinni.

„Það er verið að vinna í málunum um annan samning og ég get staðfest að sú vinna er komin langt á veg,“ segir Suarez og bætir við að samningurinn verði til langs tíma.