Burton komið til Íslands

DEBE.IS KYNNIR Á debe.is er mikið úrval af vönduðum snjóbrettavörum og fatnaði frá snjóbrettaframleiðandanum Burton. Auk þess býður verslunin upp á fallegan jógafatnað og dýnur frá ýmsum framleiðendum. Debe.is leggur metnað sinni í að vera samkeppnishæft við erlendar vefverslanir með sambærilega vöru.

DéBé bretti og stíll ehf. rekur vefverslunina debe.is. Þetta er fjölskyldufyrirtæki sem hóf starfsemi sína í desember í fyrra. Fyrirtækið er með umboð fyrir Burton hér á landi, en Burton býður upp á snjóbretti og allan útbúnað sem þeim tengist. Auk þess framleiðir Burton gríðarlega breitt úrval af fatnaði, allt frá sokkum upp í virkilega vandaðan og fallegan útivistarfatnað.

Fyrirtækið á rætur sínar að rekja til snjóbrettaáhuga fjölskyldu einnar á Reyðarfirði. „Við hjónin og synir okkar erum mikið á snjóbrettum og höfum tengst brettafélaginu hér fyrir austan,“ segir Dagný Björk Reynisdóttir, eigandi debe.is. „Í upphafi kom þessi hugmynd um að skoða umboð frá sonum okkar. Burton-vörurnar höfðu ekki verið aðgengilegar hér á landi í mörg ár, þrátt fyrir að vera eftirsóttar og vandaðar vörur. Við sendum því fyrirspurn til þeirra upp á von og óvon, og við fengum mjög jákvæð viðbrögð frá þeim. Því var þetta spurning um að hrökkva eða stökkva.“

Stór sending á leiðinni

Von er á fyrstu stóru vetrarsendingunni frá Burton í lok október. „Þessa dagana erum við í óðaönn að setja nýju vörurnar inn á heimasíðuna. Þetta eru meðal annars snjóbretti, skór og bindingar, vetrarfatnaður, snjóbuxur, úlpur og jakkar fyrir alla fjölskylduna. Fatalínan þeirra er gríðarlega flott og vönduð. Auk vetrar- og útivistarfatnaðar, er mikið úrval af almennum fatnaði,“ lýsir Dagný og tekur fram að fatnaðurinn henti í hvaða útivist sem er.

Dagný segir snjóbrettaíþróttina vera að breytast, iðkendahópurinn er orðinn breiðari en var á árum áður. „Það er mikið barnastarf í gangi í íþróttinni og iðkendum er að fjölga. Fólk er líka að verða meðvitaðra um öryggismál sem er mjög góð þróun og bjóðum við upp á flotta og vandaða hjálma og gleraugu frá Anon. Einnig erum við með brynjur frá Dainese sem henta jafnt skíða- og brettafólki. Allar þessar vörur uppfylla gildandi öryggisstaðla,“ segir Dagný.

Vandaðar jógavörur

Í netversluninni má líka fá jóga- og íþróttafatnað á konur og karla, frá flottum og vönduðum merkjum. „Okkur langaði að vera með fjölbreytt vöruúrval. Við erum með fallegan og vandaðan jógafatnað frá Teeki, Onzie og The Choclo Project og svo frábærar jógadýnur frá Jade­Yoga úr hrágúmmíi. Við leggjum áherslu á að framleiðendur þeirra vara sem við seljum hafi umhverfisvernd og samfélagsábyrgð að leiðarljósi við framleiðsluna.“

Hægt er að skoða úrvalið og fá nánari upplýsingar á debe.is og á Facebook undir DéBé Bretti og stíll og DéBé Jóga, einnig á Insta­gram.