Barcelona náði aðeins í stig gegn Malaga

Barcelona gerði markalaust jafntefli við Malaga á Neu Camp í spænsku úrvalsdeildinni í knattspyrnu.

Lionel Messi var ekki með Barcelona í dag en hann var einfaldlega veikur. Stjörnuprýtt lið Barca náði aftur á móti ekki að skora í leiknum, þrátt fyrir að Malaga missti að lokum tvo leikmenn af velli með rautt spjald í leiknum.

Diego Llorente fékk rautt á 69. mínútu og svo fékk Juan Carlos einnig rautt á 90. mínútu í liði Malaga. Gestirnir voru því níu í smá stund í leiknum en Barelona náði ekki að skora í leiknum.

Merkileg niðurstaða en Barcelona er í öðru sæti deildarinnar með 26 stig en Malaga í því 10. með 16 stig.