Sigurhrina Spurs á enda | Myndbönd

Eftir níu leikja sigurgöngu kom loksins að því að San Antonio Spurs tapaði leik í NBA-deildinni.

Spurs tapaði þá gegn Orlando á heimavelli. Spurs er búið að vinna 14 leiki í vetur og tapa fjórum. Þetta var sjöundi sigurleikur Orlando sem er búið að tapa ellefu leikjum.

Anthony Davis var í svakalegu formi gegn LA Lakers í nótt þar sem hann skoraði 41 stig og tók 16 fráköst í sigri sinna manna í New Orleans. Sjöundi sigurleikur þeirra en Lakers er búið að vinna níu leiki.

Meistarar Cleveland töpuðu svo óvænt gegn Milwaukee sem er með 50 prósent vinningshlutfall. Þetta var þriðji tapleikur Cleveland í vetur.

Úrslit:

Charlotte-Detroit  89-112

Brooklyn-LA Clippers  127-122

Milwaukee-Cleveland  118-101

New Orleans-LA Lakers  105-88

San Antonio-Orlando  83-95

Utah-Houston  120-101