Allt stefnir í að sjómenn verði í verkfalli fram á næsta ár. Samninganefndir sjómanna og útgerðarmanna hittust á um hálftíma löngum fundi húsnæði ríkissáttasemjara fyrir hádegi. Lítið þokaðist í viðræðum þeirra á fundinum.
Ríkissáttasemjari ákvað að boða ekki til nýs fundar fyrr en 5. janúar. Vika er nú síðan að verkfall sjómanna hófst á ný eftir að sjómenn felldu nýgerða kjarasamninga.
„Mér sýnist það bera mikið á milli,“ sagði Valmundur Valmundsson, formaður Sjómannasambands Íslands, að fundi loknum. Hann segir að farið hafi verið yfir stöðuna á fundinum.
„Það var bara farið yfir svona atriði sem að við teljum að geti orðið til lausnar í þessari deilu og allt það og við fengum skilaboð frá þeim. Ég held að við kælum okkur yfir jólin og njótum þeirra með okkar fjölskyldum og svo hittumst við á nýjum ári,“ segir Valmundur.
„Ég held að við getum í það minnsta verið sammála um það að staðan er erfið og alvarleg og það er góður vilji sem fyrr í að reyna að finna lausn,“ sagði Heiðrún Lind Marteinssdóttir framkvæmdastjóri Samtaka fyrirtækja í sjávarútvegi að fundi loknum.
Sjómenn líklega í verkfalli fram á næsta ár: „Staðan er erfið og alvarleg“
![Engin lausn er í sjónmáli á kjaradeilu sjómanna og útgerðarmanna.](https://www.visir.is/i/5DF0692D9BDA06B07512C1095F7D938C1D2D7AF17439BA343DDD80C815B32DCC_713x0.jpg)
Tengdar fréttir
![](https://www.visir.is/i/382BC5F27A30614A34AFEC7F2E539A5E7E1B4D5E210374CFFB9D471120AA1D89_308x200.jpg)
Lausna leitað í sjómannadeilunni
Samninganefndir sjómanna og útvegsmanna komu til fundar hjá ríkissáttasemjara klukkan ellefu fyrir hádegi.