Óskarinn: Fylgstu með tilnefningum í beinni á Vísi

Óskarsakademían tilkynnir í dag hverjir fá tilnefningu til Óskarsverðlauna í ár. Bein útsending frá viðburðinum hefst klukkan 13:18  að íslenskum tíma og er hægt að fylgjast með honum hér á Vísi.

Kvikmyndin La La Land er sigurstrangleg á Óskarsverðlaunahátíðinni en hún sópaði til sín sjö Golden Globes verðlaun á dögunum og því spurning hversu margar tilnefningar hún fær í dag.  

 

 

Fyrstu flokkarnir sem eru kynntir eru fyrir bestu kvikmyndaklippinguna, besta frumsamda lagið fyrir kvikmynd, bestu teiknimyndina í fullri lengd, bestu teiknuðu stuttmyndina í fullri lengd, bestu stuttmyndina, bestu heimildamyndina, bestu tæknibrellurnar og fyrir bestu hljóðvinnsluna, svo dæmi séu tekin.

Þar á eftir eru tilkynntar tilnefningar til þeirra karla og kvenna sem þóttu standa sig best í aðal- og aukahlutverki, besti leikstjórinn, besta myndin, besta handritið, besta kvikmyndatakan svo dæmi séu tekin.

Óskarsverðlaunahátíðin sjálf fer svo fram í Dolby-höllinni í Hollywood sunnudaginn 27 febrúar næstkomandi. Spjallþáttastjórnandinn Jimmy Kimmel verður kynnir kvöldsins. 

Uppfært klukkan 14:37 - Þessi fengu tilnefningar til Óskarsverðlaunanna en ég að ofan má enn horfa á upptöku af kynningunni.