Páskahópur kvennalandsliðsins tilbúinn

Emil Gunnarsson og Francesco Napoletano, þjálfarar íslenska kvennalandsliðsins í blaki, hafa valið lokahóp sinn fyrir Pasqua Challenge sem fram fer um páskana.  Blaksambandið segir frá.

Þetta er þriðja árið í röð sem íslenska kvennaliðið fær heimboð til Porto San Giorgio á Ítalíu í æfingamót. Pasqua Challenge er boðsmót í Porto San Giorgio á austurströnd Ítalíu. Þátttökuliðin eru auk Íslands lið San Marino, Liechtenstein og Skotlands en á þessu ári mun Íslands spila opinbera landsleiki við öll þessi landslið.

Alls koma sjö stelpur frá HK með í þessa páskaferð en Afturelding kemur næst með tvo leikmenn. Tveir leikmenn eru í hópnum sem spila erlendis en það eru þær Berglind Gígja Jónsdóttir hjá Fortuna Odens í Danmörku og Hugrún Óskarsdóttir sem spilar í Sviss.

Íslenska liðið fer út 10. apríl og kemur heim þann 16. apríl en þetta er fyrsti undirbúningur kvennalandsliðsins fyrir verkefnin á þessu ári.

Kvennalandsliðið hefur nóg að gera í byrjun sumar en liðið tekur þátt í annarri umferð HM í maí, Smáþjóðaleikunum í San Marínó í mánaðarmótin maí-júní og verður síðan í úrslitum EM Smáþjóða 23. til 25. júní.

Leikmannahópurinn sem fer til Ítalíu lítur þannig út:

Karen Björg Gunnarsdóttir, Afturelding

Thelma Dögg Grétarsdóttir, Afturelding

Berglind Gígja Jónsdóttir, Fortuna Odense

Elísabet Einarsdóttir, HK

Fríða Sigurðardóttir, HK

Matthildur Einarsdóttir, HK

Hanna María Friðriksdóttir, HK

Steinunn Helga Björgólfsdóttir, HK

Hjördís Eiríksdóttir, HK

Birta Björnsdóttir, HK

Unnur Árnadóttir, KA

Rósa Dögg Ægisdóttir, Stjarnan

Hugrún Óskarsdóttir, Sviss

María Rún Karlsdóttir, Þróttur Nes

Þjálfarar liðsins á Ítalíu eru Emil Gunnarsson og Francesco Napoletano

Tölfræðigúrú liðsins er Ólafur Jóhann Júlíusson

Sjúkraþjálfari er Sigurður Örn Gunnarsson

Fararstjóri er Kristján Geir Guðmundsson