Patricia Arquette stýrði valdeflandi en vandræðalegu víkingaklappi hjá SÞ

Nú stendur yfir árlegur fundur kvennanefndar Sameinuðu þjóðanna (Commission on the Status of Women) sem fram fer í höfuðstöðvum Sameinuðu þjóðanna í New York dagana 13.-24. mars.

Meginþema kvennanefndarfundarins er efnahagsleg valdefling kvenna á tímum breytinga á vinnumarkaði. Á fundi norrænu ráðherranna var rætt um stöðu karla og kvenna á vinnumarkaði og árangur af sértækum aðgerðum til að efla stöðu og hlut kvenna.

Leikkonan Patricia Arquette og knattspyrnukonan Abby Wambach stjórnuðu víkingaklappi á fundinum í dag og var atriðið vægast sagt vandræðalegt en og margir hafa talað um á Twitter í dag.

Hér að neðan má horfa á myndband sem birtist á Twitter-síðu hjá Axel Helga Ívarssyni og þar sést vel hversu hræðilegt klappið var í raun og veru. Dæmi hver fyrir sig.

Víkingaklappið × Sameinuðu Þjóðirnar pic.twitter.com/ptjq8dHsNq

— Axel Helgi Ívarsson (@AxelHelgi) March 14, 2017

Hér að neðan má horfa á allan fundinn í dag en atvikið sem um ræðir hefst þegar 2:08:00 er liðnar af myndbandinu.