Patrick Stewart og Ian McKellan ansi innilegir á verðlaunaathöfn

Félagarnir Patrick Stewart og Ian McKellan kysstust vel og innilega þegar sá síðarnefndi veitti Stewart viðurkenningu fyrir ævistarf sitt á Empire-verðlaunahátíðinni í gær.

Þeir þekkjast ágætlega eftir að meðal annars leikið saman í myndunum um ofurhetjunum í X-Men og gantaðist Ian McKellan áður en hann veiti Stewart svokölluð Legends-verðlaun hátíðarinnar.

„Hver myndi kalla Patrick goðsögn, hann er fæddur í Yorkshire,“ sagði McKellan áður en hann hlóð Stewart lofi.

„Hann er leikarinn sem svo margir af minni kynslóð myndi vilja vera,“ sagði McKellan. Stewart steig því næst upp á svið þar sem hann plantaði sjóðandi kossi á félagi sinn, líkt og sjá má á myndinni hér að ofan.

Þeir félagar eru miklir vinir en árið 2013, þegar Patrick Stewart gifti sig, stjórnaði McKellan athöfninni.