Griezmann bjargaði stiginu

Real Madrid og Atletico Madrid gerði 1-1 jafntefli í borgarslagnum í spænsku úrvalsdeildinni í knattspyrnu í dag. Leikurinn fór fram á Santiago Bernabeu.

Markalaust var eftir fyrri hálfleikinn en það var Portúgalinn Pepe sem kom heimamönnum yfir á 52. mínútu eftir fínt skallamark.

Það leit allt út fyrir að Real Madrid myndi hafa þetta en markaskorarinn Antoine Griezmann náði að jafna metinn fimm mínútum fyrir leikslok og Keylor Navas, markvörður Real Madrid, leit ekki vel út milli stanganna.

Real Madrid er í efsta sæti deildarinnar með 72 stig en grannar þeirra eru í því þriðja með 62 stig.