Öll úrslit dagsins í enska boltanum: Liverpool kom til baka og vann Stoke

Fimm leikir fóru fram í ensku úrvalsdeildinni í knattspyrnu klukkan 14:00 í dag og ber þar helst að nefna góðan sigur Liverpool á Stoke.

Liverpool lenti 1-0 undir í leiknum undir lok fyrri hálfleiks þegar Jonathan Walters skoraði fínt mark með skalla. Staðan var 1-0 í hálfleik fyrir heimamenn en Liverpool kom vel inn í þann síðari. 

Tuttugu mínútum fyrir leikslok skoraði Philippe Coutinho laglegt mark inni í vítateig eftir mikið klafs innan teigs. 

Það var síðan Roberto Firmino sem kom gestunum 2-1 yfir aðeins tveimur mínútum síðar og þar við sat. 

Manchester City vann auðveldan sigur á Hull, 3-1,  en Hull skoraði sjálfsmark eftir hálftíma leik og var þar að verki El Mohamady. Sergio Aguero og Fabian Deplgh bættu síðan mörkum við fyrir City. 

Þá vann West Ham mikilvægan sigur á Gylfa Þór Sigurðssonar og félögum í Swansea og fór leikurinn 1-0. Eina mark leiksins gerði Kouyate.

Úrslit dagsins:

Man. City - Hull City 3-1

Middlesbrough - Burnley 0-0

Stoke City - Liverpool 1-2

WBA - Southampton 0-1

West Ham - Swansea City 1-0

Hér að neðan fór fram bein textalýsing frá leikjum dagsins15:45 - Andrea Ranocchia minnkar muninn í 3-1 fyrir Hull gegn City

15:31 - Þetta tók ekki langan tíma. Firmino kemur Liverpool í 2-1 gegn Stoke og hefur liðið því skorað tvö mörk á mjög stuttum tíma. 

15:27 - Philippe Coutinho nær að jafna metin fyrir Liverpool með laglegu skoti eftir frákast. 

15:25 - Fabian Delph að koma heimamönnum í City í 3-0.

15:11 - Sergio Aguero kemur City í 2-0 í upphafi síðari hálfleiks.

14:45 - Jonathan Walters skallar boltann í netið og kemur Stoke 1-0 yfir gegn Liverpool. Rétt áður vildu leikmenn Liverpool fá dæmda vítaspyrnu en heimamenn brunuðu upp völlinn og skoruðu laglegt mark.

14:44 - Cheikhou Kouyate kemur West Ham 1-0 yfir gegn Swansea.

14:34 - Ahmed El Mohamady gerir sjálfsmark og Manchester City komið í 1-0 gegn Hull



14:25 - Jordy Clasie kemur Southampton í 1-0 gegn WBA.

14:09 - Allir leikirnir eru farnir af stað og ekkert markið litið dagsins ljós.