Breiðablik og Fylkir með 1-0 heimasigra

Pepsi-deild kvenna hófst í kvöld með fjórum leikjum.

Sandra Stephany Mayor Gutierrez tryggði Þór/KA sigur á Val fyrir norðan.

Íslandsmeistarar Stjörnunnar rúlluðu yfir nýliða Hauka á Ásvöllum, 1-5.

Bikarmeistarar Breiðabliks unnu 1-0 sigur á FH á Kópavogsvelli. Rakel Hönnudóttir skoraði eina mark leiksins í upphafi seinni hálfleiks.

Ingibjörg Sigurðardóttir, varnarmaður Breiðabliks, fékk tvö gul spjöld með sex mínútna millibili um miðjan seinni hálfleik og þar með rautt. En Blikar héldu út og hirtu stigin þrjú.

Fylkir, sem var spáð falli, vann Grindavík með einu marki gegn engu. Það var hin efnilega Jasmín Erla Ingadóttir sem skoraði eina markið á 37. mínútu.

Upplýsingar um úrslit og markaskorara eru fengnar frá fótbolta.net.