IKEA poki á 2.000 dollara?

Ný taska sem að franska tískuhúsið Balenciaga hefur sett á sölu hefur vakið upp margar spurningar. Þessi stóra bláa leðurtaska þykir líkjast gamla góða IKEA innkaupapokanum. Einn stærsti munurinn er þó verðið en IKEA pokinn kostar 99 cent en Balenciaga taskan kostar yfir 2.000 dollara. 

Balenciaga taskan er þó gerð úr ekta leðri og er afar stór miðað við flestar handtöskur. Yfirhönnuður tískuhússins, Demna Gvasalia, er þekktur fyrir að taka hluti úr hversdagslífinu og breyta því yfir í hátísku. Það hefur honum svo sannarlega tekist í þessu tilfelli enda efumst við ekki um neitt annað en að þessi taska eigi eftir að slá í gegn.