Körfubolti

Mayweather dreymir um að eignast lið í NBA

Ingvi Þór Sæmundsson skrifar
Mayweather ræðir við Dwight Howard, leikmann Atlanta Hawks.
Mayweather ræðir við Dwight Howard, leikmann Atlanta Hawks. vísir/getty
Fyrrum boxarann Floyd Mayweather dreymir um að eignast lið í NBA-deildinni.

Mayweather birti mynd af sér með Los Angeles Lakers-goðsögninni Magic Johnson á Instagram og skrifaði við hana að það væri kominn tími fyrir hann að festa kaup á liði í NBA.

Maywaether er reglulegur gestur á leikjum Los Angeles Clippers í Staples Center en liðið er í eigu Steves Ballmer, fyrrum framkvæmdastjóra Microsoft.

Mayweather veit greinilega eitthvað um körfubolta en á dögunum birti hann mynd af sér með meira en 300.000 dollara í reiðufé sem hann fékk fyrir að veðja á Isiah Thomas og Boston Celtics í úrslitakeppninni sem nú stendur yfir.

Mayweather lagði hanskana á hilluna árið 2015 eftir frábæran feril. Mayweather vann alla 49 bardaga sína á ferlinum.

Undanfarin misseri hefur verið talað um lítið annað en möguleikann á bardaga Mayweathers og Conors McGregor. Enn hefur ekkert verið staðfest með bardagann.

NBA

Tengdar fréttir

Mest lesið


Fleiri fréttir

Sjá meira


×

Mest lesið