Sobral systkinin með ábreiðu af belgíska laginu

Portúgalsi hjartaknúsarinn Salvador Sobral sem kom, sá og sigraði í Söngvakeppni evrópskra sjónvarpsstöðva síðastliðið laugardagskvöld hefur sent frá sér ábreiðu af laginu City lights sem var framlag Belgíu til keppninnar í ár.

Ábreiðuna syngur hann ásamt systur sinni, Luísa Sobral, sem er einmitt höfundur sigurlags keppninnar í ár, Amor Pelos Dois. Luísa flutti eins og frægt er orðið sigurlagið með Salvador þegar úrslitin voru ljós en þau hafa fengið mikið lof fyrir einlægan flutning. 

Sjá: Íslendingar misstu sig yfir sigurflutningi Sobral systkinanna

Salvador bar örugglega sigur úr býtum í keppninni í ár en hann hlaut alls 758 stig. Lag Belgíu sem flutt var af söngkonunni Blanche hafnaði í fjórða sæti keppninnar með 363 stig.