Gísli Pálmi, Úlfur Úlfur og Sturla Atlas bætast við Kronik veisluna í Laugardalshöll

Tónlistarveislan Kronik Live verður haldin í Laugardalshöllinni 7 júlí næstkomandi þar sem Young Thug, Krept And Konan, Emmsjé Gauti, Aron Can og Alvia Islandia munu koma fram. 

Nú hafa enn fleiri listamenn verið tilkynntir til leiks. Þeir listamenn sem bætast við eru Úlfur Úlfur, Gísli Pálmi, Sturla Atlas, Herra Hnetusmjör,Birnir, Alexander Jarl, B – Ruff, Egill Spegill og Karitas.

Í ljósi þeirrar grósku sem er í íslensku hiphop senunni hafa skipuleggjendurákveðið  að bæta við dagskránna sem áður hefur verið kynnt með Young Thug og kynna til leiks Kronik Live, eins dags tónlistarveislu í Laugardalshöll og fá til viðbótar þá listamenn sem búnir eru að vera gera góða hluti síðustu misseri á Íslandi. 

Fyrir tónleika og meðan á þeim stendur verður hægt að tylla sér fyrir utan höllina og njóta matar og drykkjar en það verða „street food“-vagnar á svæðinu og sett verður upp sérstakt svæði fyrir tónleikagesti í kringum það.

Kronik hóf göngu sína aftur á X-inu 97.7 fyrir 6 mánuðum síðan og allir þeir íslensku listamenn sem koma fram á hátíðinni hafa verið tíðir gestir í þáttunum.

Nánari upplýsingar um tónleikana verða birtir síðar, en miðasala er í fullum gangi á Tix.is.