Frank Ocean myndaði Met Gala bakvið tjöldin

Met Gala fór fram í seinustu viku í New York. Þar mættu allar helstu stjörnurnar og skemmtu sér langt fram á nótt. Söngvarinn Frank Ocean var á svæðinu og var með myndavélina á lofti. 

Hann tók skemmtilegar myndir frá gestum kvöldsins. Myndirnar eru teknar á filmuvél og því einstaklega skemmtilegar. Þær sýna vel stemmninguna frá kvöldinu. 

Hinar ólíklegustu stjörnur, eins og A$AP Rocky og Gwyneth Paltrow, sjást skemmta sér vel saman. Myndirnar tók hann fyrir Vogue og hafa þær slegið í gegn á netheimum.