Zara Larsson mun flytja EM-lagið á tónleikum í Laugardalshöllinni

Sænska söngkonan Zara Larsson mun koma fram á tónleikum í Laugardalshöll föstudaginn 13. október en þetta kemur fram í tilkynningu frá Senu Live.

Miðasalan hefst föstudaginn 9. júní klukkan tíu. Zara er þekkt um allan heim fyrir magnaða rödd og kröftugt elektró-popp og eru tónleikarnir á Íslandi hluti af alheimstónleikaferðalagi.

Zara hefur notið mikilla vinsælda síðustu misseri með lögum á borð við Lush Life, So Good og This One's For You, en það síðastnefnda var opinbert lag EM 2016 og kannast eflaust margir Íslendingar við það lag.

Zara er Íslandsvinur og tók hún meðal annars myndbandið við smellinn Never Forget You upp á Íslandi.

Miðaverðið verður 9.990 krónur í stæði og 14.990 í stúku.

Hér að neðan má sjá nokkur vel valin lög með söngkonunni.