Töfraheimur Japans Sæunn Gísladóttir skrifar 10. júní 2017 09:00 Gyllta hofið Kinkaku-ji er einn vinsælasti áfangastaður Kýótó. Mynd/SG Sofa, sofa, sofa og drekka nóg vatn, þetta voru ráðin sem undirrituð fékk um hvernig ætti að lifa af flug til Japans og takmarka þotuþreytu sem mest. Japan, eyríki sem lengi var lokað af og er þekkt fyrir stórkostlega ríka menningu sína sem og brjálaða tækni, er drauma áfangastaður margra. Lengd ferðarinnar frá Íslandi og það að aðlagast tímamuninum getur þó reynst jafnvel hinum víðförlasta ferðamanni áskorun. Þetta er þó allt þess virði, á tíu dögum í Japan getur maður upplifað meiri fjölbreytni en í flestum öðrum löndum; mörg hundruð ára gömul hof, risa búddastyttur, veitingahús með vélmennum, stærstu stórborg heims og komist í kynni við villt dádýr. Að sofa og drekka eru raunar góð ráð, og svo auðvitað að halda sér vakandi að minnsta kosti fram að kvöldi þegar á áfangastað er komið.Gaman að fara í maí mánuðiKlassísk Japansferð felur í sér einhverja daga í höfuðborginni, stopp í gömlu höfuðborginni og heimaborg flestra hofa landsins, Kýótó, og dagsferðir til minni staða, til dæmis Nara og Hakone. Með slíkri ferð er hægt að fá smjörþefinn af menningu landsins, en góðar líkur eru á að ferðamanninn þyrsti einungis í meira þegar kemur að heimfarardeginum.Búdda stytta í Asakusa hverfinu í Tókýó.Mynd/SGVinsælasti árstíminn til að ferðast til Japans er þegar kirsuberjatrén eru í fullum blóma í lok apríl, eða á haustin þegar hitinn er mildur. Það getur þó verið fínt að fara í maímánuði eða byrjun júní því þá er oft aðeins ódýrara og mildur hiti.Reiðufé vinsæltJapan er land andstæðna, þó að tæknin sé hvergi meiri þó víða væri leitað í heiminum er enskukunnátta, jafnvel í stórborginni, takmörkuð. Á mörgum stöðum er einungis hægt að greiða með reiðufé og erlend kort virka ekki í öllum hraðbönkum. Gott er að kynna sér þessi mál áður en lagt er af stað, og einnig hvort það sé þess virði að kaupa sér lestarkort (JR Pass) fyrir ferðina, sem þarf að panta utan landsteinanna.Ódýrara en maður heldurÞað væri auðvelt að eyða öllum tíma sínum í Tókýó. Um 35 milljónir búa í borginni og ber hún þess merki með ógrynni veitingastaða og fjölbreyttrar afþreyingu. Hvergi í heiminum eru fleiri veitingastaðir með Michelinstjörnur. Það þýðir þó ekki að allur góður matur sé á óviðráðanlegu verði. Mikil efnahagsuppsveifla átti sér stað í Tókýó fyrir aldamótin og fékk Japan þá á sig þann stimpil að vera dýr áfangastaður. Stærð borgarinnar gerir það þó að verkum að þar er allur verðskalinn þegar kemur að mat, gistingu og afþreyingu, og því getur verið ódýrara en margir telja að fara í frí þangað.Verslunargata í Gizon hverfi í Tókýó.Mynd/SGAuðvelt er að fletta upp bestu veitingastöðunum í hverjum verðflokki og fyrir hvern matarflokk á Tripadvisor. Hápunktar í matarmenningunni eru meðal annars Korean BBQ, þar sem maður steikir sjálfur kjötið sitt og meðlæti, Bentobox sushi þar sem margir mismunandi réttir (flestir hverjir sem maður kannast ekkert við) koma saman í boxi, og hefðbundnir sushi staðir þar sem maður situr fyrir framan kokkana og pantar beint frá þeim. Mikilvægt getur verið að panta borð fyrirfram eða þó að þola bið eftir borði. 104 ára rekur kaffihúsÞeir sem eru meira fyrir kaffimenninguna geta bragðað á mjög góðu, ef heldur dýru kaffi, sem Tókýó hefur upp á að bjóða. Sérstaklega er þess virði að mæla með Café de L’ambre sem var stofnað árið 1948 í Ginzahverfi. Stofnandinn sem er 104 ára gamall er enn á svæðinu. Tókýó er einnig sprengfull af þema kaffihúsum; ef eitthvert dýr er talið sætt eru allar líkur á að kaffihús tileinkað því sé þar. Gestir geta valið milli kattakaffihúsa, broddgaltakaffihúsa og kanínukaffihúsa svo eitthvað sé nefnt, ekki eru þó alltaf veitingar í boði á þessum stöðum eins undarlega og það hljómar. Einnig eru kaffihús með mikilli litagleði og stemningu í Kawaii (krúttstíl).Nauðsynlegt er að prófa Kawaii myndaklefa í Tókýó.Mynd/SGFjöldi hverfa er í Tókýó sem öll hafa sín sérkenni. Gaman er að prófa að gista í einu eldra og rólegra hverfi, til dæmis Asakusa, í nálægð við flott hof og frábæra veitingastaði, en einnig í einu af hverfunum sem þekkt eru fyrir nætur- og verslunarlíf, til dæmis Shinjuku eða Shibuya. Þannig er hægt að upplifa andstæðurnar í borginni.Hægt að kæla sig á ströndinniÁ daginn má skoða fjölbreytt söfn, til dæmis Tokyo National Museum, hof, fallega garða eða líta í búðir. Ef gestum fer að leiðast öngþveitið er hægt að fara á strönd við Tokyo Bay og stinga tánum í sjóinn, en þó ekki synda þar. Eftir nokkurra daga stopp í Tókýó, þar sem þotuþreytan er farin að dvína, er fínt að kíkja út fyrir höfuðborgina. Þægilegur staður fyrir næturstopp er Hakone, bær við fjallsrætur þar sem hægt er að heimsækja falleg hof, sjá Fujifjall (ef viðrar vel), fara í siglingu og í onsen (heita laug). Japanir eru mikið fyrir heitu náttúrulaugar sínar, líkt og Íslendingar, en þó eru reglurnar öðruvísi þar. Laugarnar eru kynjaskiptar og verður maður að baða sig nakinn. Í Hakone er fjöldi hótela, og meira að segja eitt hostel, með onsen, og því getur verið lítill sem enginn aukakostnaður við að prófa þessa japönsku hefð.Ævintýralegt umhverfi er í Nara.Mynd/SGFljótt að skreppa til Kýótó Lestarkerfi Japans er vel þekkt fyrir hraða og stöðugleika. Lestirnar eru heldur dýrar miðað við til dæmis lestir í Evrópu, en hafa þann kost að maður þarf venjulega ekki að sitja lengi í þeim. Kýótó er rúman klukkutíma frá Hakone og tvo tíma frá Tókýó og er nauðsynlegt að fara þangað á ferðalagi um Japan. Besta leiðin til að sjá borgina er á hjóli. Í borginni búa um 1,5 milljónir manna og er því viðráðanlegra þar að fá yfirsýn yfir borgina en í Tókýó. Meðal áfangastaða sem maður verður að kíkja á þar er gyllta hofið Kinkaku-ji, gamla Ginonhverfið þar sem geisjur sjást enn á ferð og bambusskógurinn í vesturhluta borgarinnar. Þrír til fjórir dagar eru passlegur tími til að njóta þess sem borgin hefur upp á að bjóða sem og frábærra veitingastaða hennar. Vinsæl dagsferð frá Kýótó er að kíkja til Nara, fyrstu höfuðborgar Japans. Borgin er sögulega merkileg en hún var höfuðborg Japans á áttundu öld og þrátt fyrir smæð hennar er hún full af fallegum sögulegum hofum, einni stærstu trjábyggingu í heimi, og er heimili fimmtán metra hárrar búddastyttu. Borgin er þó allra þekktust fyrir að vera heimili yfir 1.200 villtra dádýra sem ráfa um Naragarðinn. Einn af hápunktum Japansferðar er að kaupa kex til að gefa þeim að borða og fylgjast með ferðamönnum taka sjálfumyndir með þeim, oft með fyndnum afleiðingum. Margir kjósa að skreppa fram og til baka samdægurs með lestinni frá Kýótó, en það er frábær kostur að gista í Nara; gisting er ódýr, fullt af góðum veitingastöðum er á svæðinu og andrúmsloftið í borginni mjög afslappað. Ferðalög Mest lesið Mótandi reynsla að upplifa dauðann Lífið Boðaði vinkonurnar í bústað eftir að hafa upplifað Tinder á sterum Lífið Verður aðalnúmer hálfleikssýningar Ofurskálarinnar Lífið Selena Gomez giftist Benny Blanco Lífið Fann ástina loksins þegar hann tók sér marga elskhuga Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Seld sú hugmynd að grannur líkami sé það eina sem er aðlaðandi Lífið Krakkatían: Lestrarkeppni, flugumferð og leiksýning Lífið Serumið sem snýr öldrun húðarinnar við Lífið samstarf Fleiri fréttir Verður aðalnúmer hálfleikssýningar Ofurskálarinnar Mótandi reynsla að upplifa dauðann Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Sjá meira
Sofa, sofa, sofa og drekka nóg vatn, þetta voru ráðin sem undirrituð fékk um hvernig ætti að lifa af flug til Japans og takmarka þotuþreytu sem mest. Japan, eyríki sem lengi var lokað af og er þekkt fyrir stórkostlega ríka menningu sína sem og brjálaða tækni, er drauma áfangastaður margra. Lengd ferðarinnar frá Íslandi og það að aðlagast tímamuninum getur þó reynst jafnvel hinum víðförlasta ferðamanni áskorun. Þetta er þó allt þess virði, á tíu dögum í Japan getur maður upplifað meiri fjölbreytni en í flestum öðrum löndum; mörg hundruð ára gömul hof, risa búddastyttur, veitingahús með vélmennum, stærstu stórborg heims og komist í kynni við villt dádýr. Að sofa og drekka eru raunar góð ráð, og svo auðvitað að halda sér vakandi að minnsta kosti fram að kvöldi þegar á áfangastað er komið.Gaman að fara í maí mánuðiKlassísk Japansferð felur í sér einhverja daga í höfuðborginni, stopp í gömlu höfuðborginni og heimaborg flestra hofa landsins, Kýótó, og dagsferðir til minni staða, til dæmis Nara og Hakone. Með slíkri ferð er hægt að fá smjörþefinn af menningu landsins, en góðar líkur eru á að ferðamanninn þyrsti einungis í meira þegar kemur að heimfarardeginum.Búdda stytta í Asakusa hverfinu í Tókýó.Mynd/SGVinsælasti árstíminn til að ferðast til Japans er þegar kirsuberjatrén eru í fullum blóma í lok apríl, eða á haustin þegar hitinn er mildur. Það getur þó verið fínt að fara í maímánuði eða byrjun júní því þá er oft aðeins ódýrara og mildur hiti.Reiðufé vinsæltJapan er land andstæðna, þó að tæknin sé hvergi meiri þó víða væri leitað í heiminum er enskukunnátta, jafnvel í stórborginni, takmörkuð. Á mörgum stöðum er einungis hægt að greiða með reiðufé og erlend kort virka ekki í öllum hraðbönkum. Gott er að kynna sér þessi mál áður en lagt er af stað, og einnig hvort það sé þess virði að kaupa sér lestarkort (JR Pass) fyrir ferðina, sem þarf að panta utan landsteinanna.Ódýrara en maður heldurÞað væri auðvelt að eyða öllum tíma sínum í Tókýó. Um 35 milljónir búa í borginni og ber hún þess merki með ógrynni veitingastaða og fjölbreyttrar afþreyingu. Hvergi í heiminum eru fleiri veitingastaðir með Michelinstjörnur. Það þýðir þó ekki að allur góður matur sé á óviðráðanlegu verði. Mikil efnahagsuppsveifla átti sér stað í Tókýó fyrir aldamótin og fékk Japan þá á sig þann stimpil að vera dýr áfangastaður. Stærð borgarinnar gerir það þó að verkum að þar er allur verðskalinn þegar kemur að mat, gistingu og afþreyingu, og því getur verið ódýrara en margir telja að fara í frí þangað.Verslunargata í Gizon hverfi í Tókýó.Mynd/SGAuðvelt er að fletta upp bestu veitingastöðunum í hverjum verðflokki og fyrir hvern matarflokk á Tripadvisor. Hápunktar í matarmenningunni eru meðal annars Korean BBQ, þar sem maður steikir sjálfur kjötið sitt og meðlæti, Bentobox sushi þar sem margir mismunandi réttir (flestir hverjir sem maður kannast ekkert við) koma saman í boxi, og hefðbundnir sushi staðir þar sem maður situr fyrir framan kokkana og pantar beint frá þeim. Mikilvægt getur verið að panta borð fyrirfram eða þó að þola bið eftir borði. 104 ára rekur kaffihúsÞeir sem eru meira fyrir kaffimenninguna geta bragðað á mjög góðu, ef heldur dýru kaffi, sem Tókýó hefur upp á að bjóða. Sérstaklega er þess virði að mæla með Café de L’ambre sem var stofnað árið 1948 í Ginzahverfi. Stofnandinn sem er 104 ára gamall er enn á svæðinu. Tókýó er einnig sprengfull af þema kaffihúsum; ef eitthvert dýr er talið sætt eru allar líkur á að kaffihús tileinkað því sé þar. Gestir geta valið milli kattakaffihúsa, broddgaltakaffihúsa og kanínukaffihúsa svo eitthvað sé nefnt, ekki eru þó alltaf veitingar í boði á þessum stöðum eins undarlega og það hljómar. Einnig eru kaffihús með mikilli litagleði og stemningu í Kawaii (krúttstíl).Nauðsynlegt er að prófa Kawaii myndaklefa í Tókýó.Mynd/SGFjöldi hverfa er í Tókýó sem öll hafa sín sérkenni. Gaman er að prófa að gista í einu eldra og rólegra hverfi, til dæmis Asakusa, í nálægð við flott hof og frábæra veitingastaði, en einnig í einu af hverfunum sem þekkt eru fyrir nætur- og verslunarlíf, til dæmis Shinjuku eða Shibuya. Þannig er hægt að upplifa andstæðurnar í borginni.Hægt að kæla sig á ströndinniÁ daginn má skoða fjölbreytt söfn, til dæmis Tokyo National Museum, hof, fallega garða eða líta í búðir. Ef gestum fer að leiðast öngþveitið er hægt að fara á strönd við Tokyo Bay og stinga tánum í sjóinn, en þó ekki synda þar. Eftir nokkurra daga stopp í Tókýó, þar sem þotuþreytan er farin að dvína, er fínt að kíkja út fyrir höfuðborgina. Þægilegur staður fyrir næturstopp er Hakone, bær við fjallsrætur þar sem hægt er að heimsækja falleg hof, sjá Fujifjall (ef viðrar vel), fara í siglingu og í onsen (heita laug). Japanir eru mikið fyrir heitu náttúrulaugar sínar, líkt og Íslendingar, en þó eru reglurnar öðruvísi þar. Laugarnar eru kynjaskiptar og verður maður að baða sig nakinn. Í Hakone er fjöldi hótela, og meira að segja eitt hostel, með onsen, og því getur verið lítill sem enginn aukakostnaður við að prófa þessa japönsku hefð.Ævintýralegt umhverfi er í Nara.Mynd/SGFljótt að skreppa til Kýótó Lestarkerfi Japans er vel þekkt fyrir hraða og stöðugleika. Lestirnar eru heldur dýrar miðað við til dæmis lestir í Evrópu, en hafa þann kost að maður þarf venjulega ekki að sitja lengi í þeim. Kýótó er rúman klukkutíma frá Hakone og tvo tíma frá Tókýó og er nauðsynlegt að fara þangað á ferðalagi um Japan. Besta leiðin til að sjá borgina er á hjóli. Í borginni búa um 1,5 milljónir manna og er því viðráðanlegra þar að fá yfirsýn yfir borgina en í Tókýó. Meðal áfangastaða sem maður verður að kíkja á þar er gyllta hofið Kinkaku-ji, gamla Ginonhverfið þar sem geisjur sjást enn á ferð og bambusskógurinn í vesturhluta borgarinnar. Þrír til fjórir dagar eru passlegur tími til að njóta þess sem borgin hefur upp á að bjóða sem og frábærra veitingastaða hennar. Vinsæl dagsferð frá Kýótó er að kíkja til Nara, fyrstu höfuðborgar Japans. Borgin er sögulega merkileg en hún var höfuðborg Japans á áttundu öld og þrátt fyrir smæð hennar er hún full af fallegum sögulegum hofum, einni stærstu trjábyggingu í heimi, og er heimili fimmtán metra hárrar búddastyttu. Borgin er þó allra þekktust fyrir að vera heimili yfir 1.200 villtra dádýra sem ráfa um Naragarðinn. Einn af hápunktum Japansferðar er að kaupa kex til að gefa þeim að borða og fylgjast með ferðamönnum taka sjálfumyndir með þeim, oft með fyndnum afleiðingum. Margir kjósa að skreppa fram og til baka samdægurs með lestinni frá Kýótó, en það er frábær kostur að gista í Nara; gisting er ódýr, fullt af góðum veitingastöðum er á svæðinu og andrúmsloftið í borginni mjög afslappað.
Ferðalög Mest lesið Mótandi reynsla að upplifa dauðann Lífið Boðaði vinkonurnar í bústað eftir að hafa upplifað Tinder á sterum Lífið Verður aðalnúmer hálfleikssýningar Ofurskálarinnar Lífið Selena Gomez giftist Benny Blanco Lífið Fann ástina loksins þegar hann tók sér marga elskhuga Lífið Ætla að syngja sig hás og dansa við Komdu um jólin Lífið samstarf Blondie verður stjarnan á RIFF um helgina Lífið Seld sú hugmynd að grannur líkami sé það eina sem er aðlaðandi Lífið Krakkatían: Lestrarkeppni, flugumferð og leiksýning Lífið Serumið sem snýr öldrun húðarinnar við Lífið samstarf Fleiri fréttir Verður aðalnúmer hálfleikssýningar Ofurskálarinnar Mótandi reynsla að upplifa dauðann Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Framtíð Ísraela í Eurovision ákveðin í nóvember Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Sjá meira