Man. Utd búið að bjóða í Morata

Umboðsmaður spænska framherjans Alvaro Morata hjá Real Madrid hefur greint frá því að Man. Utd sé búið að gera tilboð í leikmanninn.

Umbinn segir að þetta sé mjög mikilvægt tilboð og meinar væntanlega með því að þetta sé tilboð sem Real mun taka alvarlega.

AC Milan var einnig sagt hafa gert tilboð í framherjann en það tilboð ku ekki hafa verið mjög merkilegt.

Morata er 24 ára gamall. Hann er alinn upp hjá Real en sló rækilega í gegn hjá Juventus á árunum 2014 til 2016.

Þá kallaði Real hann aftur heim en tækifærin hafa verið af skornum skammti þar og Real er sagt vera til í að sleppa takinu af heimastráknum á nýjan leik.