Getafe upp í deild þeirra bestu á Spáni

Einum leik var að ljúka í umspili, um laust sæti í efstu deild á Spáni í kvöld.

Getafe og Tenerife mættust í kvöld, á Coliseum Alfonso Perez, heimavelli Getafe í kvöld.

Getafe sem féllu niður um deild fyrir þessa leiktíð, eru komnir strax aftur upp eftir að hafa sigrað Tenerife 3-1.

Alejandro Faurlin kom heimamönnum yfir strax á 9. mínútu leiksins eftir hornspyrnu, heimamenn ekki lengi að koma sér í gang.

Heimamenn létu sér það ekki nægja en Daniel Pacheco, fyrrverandi leikmaður Liverpool, kom Getafe 2-0 yfir í leiknum á 13. mínútu, með fallegu skoti fyrir utan teig.

Anthony Lozano svaraði svo fyrir gestina á 17. mínútu eftir að hafa fengið boltann inn í vítateig Getafe og kláraði færið vel.

Pacheco var svo aftur á ferðinni fyrir Getafe þegar að hann jók forskot þeirra í 3-1 á 37. mínútu eftir að hafa fylgt eftir skot sem Molina, markmaður Tenerife, hafði varið út í teiginn.

Fleiri voru mörkin ekki og leikurinn endaði 3-1 fyrir Getafe sem er komið upp um deild og mun því mæta aftur til leiks í Liga-BBVA eftir eins árs fjarveru.