Engin sængurver á Landspítalanum

Sængur sjúklinga hjá Landspítala í Fossvogi eru nú sængurveralausar og er gert ráð fyrir því að Landspítalinn verði allur sængurveralaus vorið 2018. 

Ákvörðunin var tekin að frumkvæði sýkingavarnardeildar í samstarfi við þvottahús og aðra stoðþjónustu Landspítalans og er ætlað að veita sjúklingum og starfsfólki aukið öryggi. 

Í færslu á Facebook síðu Landspítalans kemur fram að rannsóknir hafi sýnt að í óhreinum rúmfatnaði finnist mikill fjöldi af bakteríuflóru sem þyrlast upp við umskipti og geta borist milli sjúklinga og starfsfólk. 

Fjárfest hefur verið í nýjum sængum sem eru kallaðar kærleikssængur en sængurverið er saumað á sængurnar sjálfar. Þær eru sérstaklega ætlaðar á sjúkrahúsum og eru hlýjar léttar og auðvelt að þvo þær. 

Má búast við því að sængurnar dragi úr álagi á axlir starfsfólks auk þess að handtökum við að búa um sjúkrarúmin fækkar til muna.