Bein útsending: Kvöldfréttir Stöðvar 2

Þórólfur Guðnason sóttvarnalæknir segir að saurmengaður sjór geti skapað hættu á fjölmörgum sýkingum. Rætt verður við Þórólf í fréttum Stöðvar tvö en hann gagnrýnir meðal annars upplýsingagjöf sveitarfélaga í svona málum.

Einnig verður fjallað um mál frönsku stúlkunnar sem lögreglan á Suðurnesjum lýsti eftir í gær. Leitin hlaut farsælan endi í dag og er fjölskylda stúlkunnar á leið til landsins til að hitta hana. Þá verður rætt við kanadíska feðga sem ætla að fljúga umhverfis jörðina á þyrlu en þeir lentu í Reykjavík í dag.