Forsætisráðherra Spánar bar vitni í spillingarmáli

Mariano Rajoy, forsætisráðherra Spánar, kom í gær fyrir dómara á Spáni þar sem hann bar vitni í umfangsmiklu spillingarmáli. Málið er höfðað gegn nokkrum meðlimum flokks Rajoys, Flokks fólksins.

Rajoy er þar með fyrsti forsætisráðherra Spánar sem ber vitni í dómsal á meðan hann situr á forsætisráðherrastóli.

Aðspurður hvort hann hafi vitað af ólöglegri fjármögnunarstarfsemi flokksmanna og mútum frá nafnlausum styrktaraðilum sagðist Rajoy aldrei hafa orðið vitni að slíku.