Annar maður handtekinn vegna árásar við Buckingham-höll

Lögreglan í London hefur handtekið annan mann sem er grunaður um aðild að meintu hryðjuverk við Buckingham-höll á föstudagskvöld. Þá réðist maður vopnaður sverði á lögreglumenn og særði þrjá.

Maðurinn er þrítugur og er grunaður um aðild að hryðjuverki, að sögn breska ríkisútvarpsins BBC. Hann var handtekinn í vesturhluta borgarinnar og fer húsleit nú fram þar.

Árásarmaðurinn ók upp á lögreglumönnum og réðist að þeim með sverðinu á föstudag. Hann er sagður hafa kallað „Allahu Akbar“ ítrekað. Maðurinn er 26 ára gamall frá Luton og er einnig í haldi lögreglu.

Lögreglumennirnir eru sagðir hafa slasast lítillega.