Fann þriggja metra saddan snák undir rúmi sonar síns

Nokkuð sérstök uppákoma varð á heimili á Tælandi á dögunum þegar kona kom að þriggja metra löngum snák undir rúmi sonar síns.

Snákurinn var að fela sig undir rúminu eftir að hann hafði étið heimilisköttinn.

Konan, Thanapoom Lekyen, segir að snákurinn hafi komist inn á heimilið í gegnum glugga en þetta er eflaust einhver versta martröð margra.

Nong er þrettán ára drengur sem sefur vanalega í rúminu. Umrætt kvöld var hann aftur á móti ekki í rúminu og slapp hann með skrekkinn að þessu sinni.

Hér að neðan má sjá myndband sem náðist af snáknum.