Bennington í skemmtilegum leik með fjölskyldunni rétt áður en hann svipti sig lífi

Söngvari hljómsveitarinnar Linkin Park, Chester Bennington, svipti sig lífi á heimili sínu þann 20. júlí, aðeins 41 árs að aldri.

Ferill Bennington spannaði yfir tuttugu ár en hann var söngvari hljómsveitanna Linkin Park og Dead by Sunrise. Þá var hann aðalsöngvari hljómsveitarinnar Stone Temple Pilots árin 2013-2015.

Hljómsveit Bennington, Linkin Park, náði gríðarmiklum vinsældum um allan heim en hún var stofnuð árið 1996. Önnur plata Linkin Park, Meteroa, náði fyrsta sæti Billboard-lagalistans árið 2003 og þá hefur fyrsta plata sveitarinnar, Hybrid Theory, selst í yfir tíu milljónum eintaka.

Bennington fæddist árið 1976 í borginni Phoenix í Arizona. Hann glímdi lengi við eiturlyfjafíkn og árið 2011 tjáði hann sig um kynferðislega misnotkun sem hann var beittur þegar hann var barn.

Á YouTube má núna sjá myndband af Bennington með fjölskyldu sinni aðeins 36 klukkustundum áður en hann lést. Þar er hann að taka fræga Jeely Been áskorun þar sem maður getur annað hvort fengið ljúffengt nammi, eða eitthvað sem bragðast viðbjóðslega. Hér að neðan má sjá þetta umrædda myndbans sem gengur um netheim.