Stefnan er sett á að fara út Ingvi Þór Sæmundsson skrifar 11. september 2017 06:00 Sigríður Lára Garðarsdóttir og Sóley Guðmundsdóttir lyfta Borgunarbikarnum. vísir/ernir ÍBV varð á laugardaginn bikarmeistari kvenna í annað sinn í sögu félagsins eftir 2-3 sigur á Stjörnunni á Laugardalsvelli. Sigríður Lára Garðarsdóttir skoraði sigurmark Eyjakvenna úr umdeildri vítaspyrnu þegar átta mínútur voru eftir af framlengingu. ÍBV er því bikarmeistari karla og kvenna 2017. Sannkallað bikarár í Eyjum. „Þetta var ógleymanlegt. Þetta er fyrsti titillinn minn,“ sagði Sigríður Lára hin kátasta í samtali við Fréttablaðið í gær. ÍBV lék einnig til úrslita í bikarkeppninni í fyrra. Þá fékk liðið á sig mark strax á upphafsmínútunni gegn Breiðabliki og endaði á því að tapa 3-1. Á laugardaginn var þessu öðruvísi farið. Aðeins voru liðnar fjórar mínútur af leiknum þegar Cloé Lacasse komst inn í sendingu Kristrúnar Kristjánsdóttur til baka, lék á Gemmu Fay og skoraði. ÍBV náði ekki að fylgja þessari draumabyrjun eftir og Stjarnan náði forystunni fyrir hálfleik. Stjörnukonur leiddu fram á 89. mínútu þegar Kristín Erna Sigurlásdóttir skoraði eftir sendingu frá Cloé. Sú síðarnefnda fiskaði svo vítið sem Sigríður Lára skoraði sigurmarkið úr.Duttu niður eftir frábæra byrjun „Við byrjuðum af þvílíkum krafti og uppskárum gott mark. Fyrsti hálftíminn var mjög góður en við duttum niður og fengum tvö mörk á okkur. Byrjunin á seinni hálfleik var ekki alveg nógu góð en svo kom aftur kraftur í okkur síðustu 20 mínúturnar,“ sagði Sigríður Lára og bætti við að hún hefði alltaf haft trú á því að Eyjakonur gætu komið til baka sem og þær gerðu. Sigríður Lára hrósar áðurnefndri Cloé Lacasse sem var maður leiksins á laugardaginn, enda kom hún að öllum þremur mörkum ÍBV; skoraði það fyrsta, lagði upp það annað og fiskaði svo vítið sem sigurmarkið kom úr. Þessi magnaði kanadíski leikmaður er driffjöðurinn í sóknarleik ÍBV og hefur skorað 16 mörk í 19 leikjum í deild og bikar í sumar. „Hún er rosalega góður leikmaður; dugleg og vinnusöm og frábær liðsfélagi. Við erum mjög ánægð að hafa hana,“ sagði Sigríður Lára um Cloé sem hefur spilað hér á landi undanfarin þrjú ár og skorað 41 mark í 60 leikjum í deild og bikar.Sigríður Lára á ferðinni í bikarúrslitaleiknum.vísir/ernirDýr jafntefli eftir EM-hléið ÍBV hafði unnið sjö leiki í röð í deild og bikar með markatölunni 17-1 þegar EM-hléið skall á. Liðið stimplaði sig hins vegar út úr toppbaráttunni í Pepsi-deildinni með því að gera jafntefli í fyrstu þremur leikjunum eftir EM-hléið. „Þegar maður lítur til baka er svekkjandi að hafa ekki náð að klára þessa leiki. Þetta var einbeitingarleysi hjá okkur,“ sagði Sigríður Lára. Þessi öfluga Eyjakona hefur átt ansi magnað ár. Hún átti aðeins einn landsleik að baki þegar árið 2017 gekk í garð en nú hefur hún spilað 10 landsleiki og farið á stórmót.Bjóst ekki við þessu „Ég verð að viðurkenna að ég sá þetta ekki fyrir þótt ég hafi sett mér það markmið að komast í landsliðshópinn og á EM. Það var stefnan en ég bjóst ekki við þessu,“ sagði Sigríður Lára sem kom inn í byrjunarlið íslenska landsliðsins í 1-1 jafntefli við Noreg á Algarve-mótinu í mars. Hún stökk nánast fullsköpuð inn í landsliðið og hefur spilað níu af 10 leikjum þess á árinu. „Ég ákvað að nýta tækifærið og sanna mig. Og ég hef greinilega gert það,“ sagði Sigríður Lára sem segist hafa lært mikið á EM, þótt úrslitin hafi verið slæm. „Þetta var hrikalega mikil reynsla, þvílík upplifun og lærdómsríkt. Að spila á þessu getustigi er eitthvað sem mann langar að gera.“ Sigríður Lára segir að hraðinn í landsleikjum gegn góðum liðum sé allt annar og meiri en í Pepsi-deildinni.Sigríður Lára í leik Íslands og Frakklands á EM.vísir/gettyAllt góðir leikmenn á EM „Maður þarf að venjast hraðanum. Hann er rosalega mikill. Það er gríðarlega mikill munur á því að spila landsleik og leik í Pepsi-deildinni. Leikmennirnir sem maður spilaði á móti á EM voru allir góðir á boltanum og allar sendingar nánast fullkomnar,“ sagði hin 23 ára gamla Sigríður Lára. En hvert er framhaldið hjá Slátraranum úr Eyjum, eins og landsliðsþjálfarinn Freyr Alexandersson kallar Sigríði Láru? „Stefnan er klárlega að fara út,“ sagði Eyjakonan sem veit af áhuga að utan. „Það skýrist eftir tímabilið og kemur í ljós.“ Pepsi Max-deild kvenna Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira
ÍBV varð á laugardaginn bikarmeistari kvenna í annað sinn í sögu félagsins eftir 2-3 sigur á Stjörnunni á Laugardalsvelli. Sigríður Lára Garðarsdóttir skoraði sigurmark Eyjakvenna úr umdeildri vítaspyrnu þegar átta mínútur voru eftir af framlengingu. ÍBV er því bikarmeistari karla og kvenna 2017. Sannkallað bikarár í Eyjum. „Þetta var ógleymanlegt. Þetta er fyrsti titillinn minn,“ sagði Sigríður Lára hin kátasta í samtali við Fréttablaðið í gær. ÍBV lék einnig til úrslita í bikarkeppninni í fyrra. Þá fékk liðið á sig mark strax á upphafsmínútunni gegn Breiðabliki og endaði á því að tapa 3-1. Á laugardaginn var þessu öðruvísi farið. Aðeins voru liðnar fjórar mínútur af leiknum þegar Cloé Lacasse komst inn í sendingu Kristrúnar Kristjánsdóttur til baka, lék á Gemmu Fay og skoraði. ÍBV náði ekki að fylgja þessari draumabyrjun eftir og Stjarnan náði forystunni fyrir hálfleik. Stjörnukonur leiddu fram á 89. mínútu þegar Kristín Erna Sigurlásdóttir skoraði eftir sendingu frá Cloé. Sú síðarnefnda fiskaði svo vítið sem Sigríður Lára skoraði sigurmarkið úr.Duttu niður eftir frábæra byrjun „Við byrjuðum af þvílíkum krafti og uppskárum gott mark. Fyrsti hálftíminn var mjög góður en við duttum niður og fengum tvö mörk á okkur. Byrjunin á seinni hálfleik var ekki alveg nógu góð en svo kom aftur kraftur í okkur síðustu 20 mínúturnar,“ sagði Sigríður Lára og bætti við að hún hefði alltaf haft trú á því að Eyjakonur gætu komið til baka sem og þær gerðu. Sigríður Lára hrósar áðurnefndri Cloé Lacasse sem var maður leiksins á laugardaginn, enda kom hún að öllum þremur mörkum ÍBV; skoraði það fyrsta, lagði upp það annað og fiskaði svo vítið sem sigurmarkið kom úr. Þessi magnaði kanadíski leikmaður er driffjöðurinn í sóknarleik ÍBV og hefur skorað 16 mörk í 19 leikjum í deild og bikar í sumar. „Hún er rosalega góður leikmaður; dugleg og vinnusöm og frábær liðsfélagi. Við erum mjög ánægð að hafa hana,“ sagði Sigríður Lára um Cloé sem hefur spilað hér á landi undanfarin þrjú ár og skorað 41 mark í 60 leikjum í deild og bikar.Sigríður Lára á ferðinni í bikarúrslitaleiknum.vísir/ernirDýr jafntefli eftir EM-hléið ÍBV hafði unnið sjö leiki í röð í deild og bikar með markatölunni 17-1 þegar EM-hléið skall á. Liðið stimplaði sig hins vegar út úr toppbaráttunni í Pepsi-deildinni með því að gera jafntefli í fyrstu þremur leikjunum eftir EM-hléið. „Þegar maður lítur til baka er svekkjandi að hafa ekki náð að klára þessa leiki. Þetta var einbeitingarleysi hjá okkur,“ sagði Sigríður Lára. Þessi öfluga Eyjakona hefur átt ansi magnað ár. Hún átti aðeins einn landsleik að baki þegar árið 2017 gekk í garð en nú hefur hún spilað 10 landsleiki og farið á stórmót.Bjóst ekki við þessu „Ég verð að viðurkenna að ég sá þetta ekki fyrir þótt ég hafi sett mér það markmið að komast í landsliðshópinn og á EM. Það var stefnan en ég bjóst ekki við þessu,“ sagði Sigríður Lára sem kom inn í byrjunarlið íslenska landsliðsins í 1-1 jafntefli við Noreg á Algarve-mótinu í mars. Hún stökk nánast fullsköpuð inn í landsliðið og hefur spilað níu af 10 leikjum þess á árinu. „Ég ákvað að nýta tækifærið og sanna mig. Og ég hef greinilega gert það,“ sagði Sigríður Lára sem segist hafa lært mikið á EM, þótt úrslitin hafi verið slæm. „Þetta var hrikalega mikil reynsla, þvílík upplifun og lærdómsríkt. Að spila á þessu getustigi er eitthvað sem mann langar að gera.“ Sigríður Lára segir að hraðinn í landsleikjum gegn góðum liðum sé allt annar og meiri en í Pepsi-deildinni.Sigríður Lára í leik Íslands og Frakklands á EM.vísir/gettyAllt góðir leikmenn á EM „Maður þarf að venjast hraðanum. Hann er rosalega mikill. Það er gríðarlega mikill munur á því að spila landsleik og leik í Pepsi-deildinni. Leikmennirnir sem maður spilaði á móti á EM voru allir góðir á boltanum og allar sendingar nánast fullkomnar,“ sagði hin 23 ára gamla Sigríður Lára. En hvert er framhaldið hjá Slátraranum úr Eyjum, eins og landsliðsþjálfarinn Freyr Alexandersson kallar Sigríði Láru? „Stefnan er klárlega að fara út,“ sagði Eyjakonan sem veit af áhuga að utan. „Það skýrist eftir tímabilið og kemur í ljós.“
Pepsi Max-deild kvenna Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Raya hetjan er Skytturnar lögðu rútunni í Bergamo Fótbolti Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira